ఏమాయే చేశావే ... హీరోయిన్ మారింది

స‌మంత‌ను సినీ ఇండ‌స్ట్రీకే కాదు తన జీవిత భాగ‌స్వామికి ప‌రిచ‌యం చేసిన సినిమా ఏమాయ చేశావే. సైలెంట్ హిట్ కొట్టిన సినిమా. ఎన్నిసార్లు చూసినా బోరుకొట్ట‌ని మూవీ. అమ్మాయి వ‌య‌సులో పెద్ద‌దైనా ఫ‌ర్వాలేదు ప్రేమించేయ‌చ్చు అని యూత్‌ లో ట్రెండ్ సెట్ చేసిన సినిమా. ఆ సినిమాలోని లొకేష‌న్లు కొన్ని ఎప్ప‌టికీ మ‌ర్చిపోలేనివి. ఇప్పుడు మ‌ళ్లీ వాటినే రిపీట్ చేస్తున్నాడు చైతూ.

ఏమాయే చేశావే సినిమాలో క్లైమాక్స్ సీన్ల‌ను న్యూయార్క్‌లో తీశారు. హీరో హీరోయిన్ల పెళ్లి సీన్ కూడా అక్క‌డ‌దే. న్యూయార్క్‌లోని సెంట్ర‌ల్ పార్కులో సామ్ - చై మీద సీన్లు తీశారు. అదే పార్కును మ‌ళ్లీ త‌న సినిమాలో చూపించ‌బోతున్నాడు చైతూ. ప్ర‌స్తుతం నాగ‌చైత‌న్య స‌వ్య‌సాచి సినిమాలో న‌టిస్తున్నాడు. ఆ సినిమా షూటింగ్ ప్ర‌స్తుతం న్యూయార్క్‌ లో జ‌రుగుతోంది. నిధి అగర్వాల్ హీరోయిన్‌ గా చేస్తోంది. వీరిద్ద‌రి మీద సీన్లు ప్ర‌స్తుతం సెంట్ర‌ల్ పార్కులోనే తీస్తున్నారు.. ఎక్క‌డైతే సామ్ - చై సీన్ల‌ను చిత్రీక‌రించారో అదే ప్లేసులోనన్న‌మాట‌. దీంతో ఏమాయే చేశావే సీన్ రిపీట్ అవుతుంద‌ని... హీరోయిన్ మాత్రం మారిపోతోంద‌ని చెప్పుకుంటున్నారు సినీ జ‌నాలు.న్యూయార్క్ లో సెంట్ర‌ల్ పార్కులో నిధి - చై షూటింగ్ ఫోటోలు ప్ర‌స్తుతం ఆన్‌ లైన్ హ‌ల్‌ చ‌ల్‌ చేస్తున్నాయ్‌. ఈ ఫోటోల‌ను చూసి సామ్ ఏం ఫీల‌వుతుందో మరి.

స‌వ్య‌సాచిలో నాగ‌చైత‌న్య‌కు అక్క‌గా చేస్తోంది భూమిక‌. మాధ‌వ‌న్ కూడా కీలక పాత్ర‌లో న‌టిస్తున్నాడు. ప్రేమ‌మ్ వంటి సున్నిత ప్రేమ‌క‌థ‌ను తెర‌కెక్కించిన చందూ మొండేటి స‌వ్య‌సాచికి కూడా ద‌ర్శ‌క‌త్వం వ‌హిస్తున్నాడు. స‌వ్య‌సాచి మాత్రం ప్రేమ‌క‌థ కాదు... యాక్ష‌న్ థ్రిల్ల‌ర్ అని చెబుతున్నారు.