నాగశౌర్య 'వరుడు కావలెను'..!

యువ హీరో నాగశౌర్య - రీతూ వర్మ జంటగా నటిస్తున్న లేటెస్ట్ మూవీకి "వరుడు కావలెను" అనే టైటిల్ ఖరారు చేశారు. దీపావళి పండుగ సందర్భంగా ఈ చిత్రానికి టైటిల్ అనౌన్స్ చేసిన చిత్ర యూనిట్.. ఫస్ట్ లుక్ మరియు ఫస్ట్ గ్లిమ్స్ రిలీజ్ చేసింది. ఈ వీడియోలో హీరోయిన్ రీతూ వర్మ అందంగా ముస్తాబవుతూ కనిపిస్తుండగా.. హీరో నాగశౌర్య స్టైలిష్ గా నడుచుకుంటూ వస్తున్నాడు. దీనికి విశాల్ చంద్రశేఖర్ అందించిన నేపథ్య సంగీతం ఆకట్టుకునేలా ఉంది. సితార ఎంటర్‌ టైన్‌ మెంట్స్‌ బ్యానర్‌ పై తెరకెక్కుతోన్న ఈ చిత్రంతో లక్ష్మీ సౌజన్య దర్శకురాలిగా పరిచయం అవుతోంది.

కాగా, 'వరుడు కావలెను' సినిమా షూటింగ్ హైదరాబాద్ లో జరుగుతోంది. ఈ చిత్రంలో నదియా - మురళీశర్మ - వెన్నెల కిషోర్ - ప్రవీణ్ - అనంత్ - కిరీటి దామరాజు - మహేష్ ఇతర ప్రధాన పాత్రలు పోషిస్తున్నారు. ఈ చిత్రానికి మాటలు గణేష్ కుమార్ రావూరి రాస్తున్నారు. ఛాయాగ్రహణం వంశి పచ్చి పులుసు అందిస్తున్నారు.

Full View