ట్రైలర్ టాక్: నేరాల చుట్టూ తిరిగిన నగరం

యంగ్ హీరో సందీప్ కిషన్ ఇప్పుడు తెలుగులో కంటే తమిళ్ లో బిజీ అయిపోతున్నాడు.  ఇక్కడి కంటే అక్కడే ఎక్కువగా సినిమాలు చేసేస్తున్నాడు. రెజీనా కసాండ్రా హీరోయిన్ గా నటించిన ఈ చిత్రం.. మార్చి 10న రిలీజ్ కి రెడీ అయింది.

తాజాగా ఈ మూవీ ట్రైలర్ ను యూట్యూబ్ లో రిలీజ్ చేశాడు సందీప్ కిషన్. ప్రధానంగా సినిమాను సిటీ చుట్టూరానే తిప్పాడు దర్శకుడు లోకేష్. ఉద్యోగం కోసం వెతుక్కునే కుర్రాడు.. ఓ ట్రయాంగిల్ లవ్ స్టోరీ.. ఓ పిల్లాడిని కిడ్నాప్ చేసి కోటి రూపాలయల కోసం వేధించే ముఠా.. అమ్మాయి విషయంలో హీరోకి వార్నింగ్ లు.. యాసిడ్ పోసే రౌడీలు.. అబ్బో.. ఒక్క ట్రైలర్ లో ఎన్ని రకాల నేరాలను ఇరికించగలరో.. ఒక సిటీలో ఎన్నేసి క్రైమ్స్ కు అవకాశం ఉంటుందో.. స్టోరీ ప్రకారం సెట్ అయ్యే వాటిని అన్నిటినీ చక్కగా పేర్చేశాడు దర్శకుడు.

నాలుగు .. మూడు చిక్కులు.. రెండు ప్రేమలు.. ఒక నగరం.. ఇదీ సింపుల్ గా ట్రైలర్ లో చెప్పిన స్టోరీ. అంటకత్తెర వేయించేసిన లుక్ లో సందీప్ లుక్ చాలా నార్మల్ గా ఉంది. ట్రైలర్ బాగానే ఉన్నా.. తమిళ్ డబ్బింగ్ అనే విషయం ట్రైలర్ లోనే తెలిసిపోతోంది. చెన్నై బేస్డ్ గా తీసిన సినిమా కావడం.. యాక్టర్స్ అందరూ వాళ్లే ఉండడంతో.. ఈ ఫీల్ కలిగేస్తోంది. పైగా థీమ్ ప్రకారం తీసిన మూవీ కావడంతో కాసింత నెమ్మదైన మూవ్మెంట్స్ కనిపిస్తున్నాయి. వరుస సినిమాలతో డిజప్పాయింట్ అయిన సందీప్ కిషన్.. ఇప్పుడు ఎలాంటి ఫలితాన్ని ఎదుర్కోనున్నాడో చూడాలి.

Full View

Like Us on Facebook : https://www.facebook.com/Tupakidotcom/