పోస్టర్ టాక్: దేవదాసులు వచ్చేసారు

నాగార్జున ఈ టైటిల్ కు ఒప్పుకుంటాడా లేదా అనే అనుమానం సలుపుతుండగానే ఫైనల్ గా నానితో చేస్తున్న మల్టీ స్టారర్ కు దేవదాస్ అనే టైటిల్ నే ఫిక్స్ చేసారు. గతంలో నాన్న టైటిల్స్ ను నాగ్ వాడుకోలేదు కాబట్టి ఈ విషయంలో కాస్త సందేహంగానే ఉండేది. వాటికి చెక్ పెడుతూ వైజయంతి సంస్థ టైటిల్ లోగో ను విడుదల చేసింది. మెడికల్ ప్రిస్క్రిప్షన్ మీద గన్ బులెట్స్ పెట్టడం ద్వారా ఇందులో నాగ్ డాన్ గా నాని డాక్టర్ గా నటిస్తున్న విషయాన్నీ కన్ఫర్మ్ చేసినట్టే. శాంతాబాయ్ మెమోరియల్ చారిటీ హాస్పిటల్ పేరిట ఉన్న మందుల చీటీ మీద లోగో డిజైన్ చేసిన విధానం వెరైటీ గా ఉంది. దీని ప్రకారం ఫుల్ ఎంటర్ టైనర్ గా దీన్ని తీర్చిదిద్దారు అనే ఊహాగానాలను నిజమే.

తన మొదటి రెండు సినిమాలను థ్రిల్ మిక్స్ చేసిన కామెడీ జానర్ లో తీసిన దర్శకుడు శ్రీరామ్ ఆదిత్య మొదటి సారి స్టార్ హీరోలను టేకప్ చేస్తున్నాడు. దానికి తోడు అశ్వినీదత్ నిర్మాత కావడం కూడా అంచనాలు పెంచుతోంది. మళ్ళి రావాతో ప్రేక్షకుల దృష్టిలో పడ్డ హీరోయిన్ ఆకాంక్ష సింగ్ నానికి జోడి కాగా ఛలోతో తన మొదటి పరీక్షను గ్రాండ్ గా పాస్ అయిన కన్నడ భామ రష్మిక మండన్న నానితో ఆడిపాడుతోంది. షూటింగ్ శరవేగంగా జరుగుతున్న ఈ మూవీని దసరా బరిలో నిలిపే ప్లాన్ లో ఉన్నారు. నాగ్ డాన్ గా నటించి చాలా కాలం అయ్యింది.

ఆ మధ్య లారెన్స్ దర్శకత్వంలో చేసాక కింగ్ లో సరదాగా ఉండే పాత్రను పోషించిన నాగ్ మళ్ళి ఇందులో డాన్ గెటప్ వేయటం ఆసక్తి రేపుతోంది. భలే భలే మగాడివోయ్ లో మతిమరుపు డాక్టర్ గా కడుపుబ్బా నవ్వించిన నాని ఇందులో మామూలు డాక్టర్ గానే నటిస్తున్నాడు. మరి డాన్ తో డాక్టర్ కున్న కనెక్షన్ ఏంటి ఇద్దరు కలిసి ఏ రేంజ్ లో ఎంటర్ టైన్ చేస్తారో ఒక ఐడియా రావాలంటే ఫస్ట్ లుక్ దాకా వేచి చూడాల్సిందే.