గెస్ట్ గా ఎలాంటి ఆన్సర్లు ఇస్తారో..

మెగాస్టార్ చిరంజీవి బుల్లితెర అరంగేట్రం అదిరిపోయింది. మీలో ఎవరు కోటీశ్వరుడు అంటూ గేమ్ షో ప్రారంభించేశారు. మొదటి రోజు కార్యక్రమానికే అదిరిపోయే స్పందన వచ్చింది. గేమ్ కంటే ఎక్కువగా.. ఈ ప్రోగ్రామ్ ని చిరు ఎలా నిర్వహిస్తారనే ఆసక్తే ఎక్కువగా కనిపించింది. ఇప్పుడు ఆ సంగతి తేలిపోయింది. అయితే.. ఈ గురువారం ఓ స్పెషల్ గెస్ట్ తో స్పెషల్ ఎపిసోడ్ ప్రసారం కానుంది.

అక్కినేని నాగార్జునను హాట్ సీట్ లో కూర్చోబెట్టే ఎపిసోడ్ ను ఈ గురువారం టెలికాస్ట్ చేయబోతున్నామంటూ.. స్టార్ మా ఛానల్ ఇప్పుడు ప్రోమోను టెలికాస్ట్ చేస్తోంది. 'మీ గెలుపు కోరే ఆశాజీవి.. మీ చిరంజీవి' అని మెగాస్టార్.. 'నేను మీ నాగార్జున' అంటూ నాగ్.. ఇద్దరూ కలిసి ప్రోమోలో సందడి చేసేశారు. ఇద్దరు టాప్ హీరోలను పక్కపక్కన చూడ్డం ఓ స్పెషాలిటీ అయితే.. అసలీ కార్యక్రమం నాగ్ చేతుల నుంచి చిరు దగ్గరకు రావడం మరో ప్రత్యేకత.

మీలో ఎవరు కోటీశ్వరుడు.. మొదటి మూడు సీజన్లను నాగార్జున హోస్ట్ చేయగా.. ఇప్పుడు చిరంజీవి ఆ రోల్ లోకి వచ్చారు. ఓ సీజన్ లో చిరంజీవి గెస్ట్ గాను.. నాగ్ హోస్ట్ గాను ఎపిసోడ్ ను చూసే అవకాశం దక్కింది. ఇప్పుడు వీళ్ల రోల్స్ రివర్స్ అయిపోయి.. మీలో ఎవరు కోటీశ్వరుడు గేమ్ ఆడేందుకు తానే వస్తున్నారు నాగ్. ఇన్నేళ్లు హోస్ట్ గా ఆడించిన నాగ్.. ఇప్పుడు గెస్ట్ గా ఎలాంటి ఆన్సర్స్ ఇస్తారు.. హోస్ట్ గా చిరు ఎలాంటి ప్రశ్నలు అడుగుతారనే ఆసక్తి సర్వత్రా నెలకొంది.

Like Us on Facebook : https://www.facebook.com/Tupakidotcom/