సూపర్ స్టార్ మహేష్ బాబు కూతురు లిటిల్ ప్రిన్సెస్ సితార అందరికీ సుప‌రిచితమే. ఈ చిన్నారి సితార పాపకి సంబంధించిన సింగింగ్‌ వీడియోలు.. డ్యాన్సింగ్ లేదా ఇత‌ర‌త్రా వీడియోలు మహేష్ బాబు లేదా నమ్రత రెగ్యులర్ గా సోషల్ మీడియాలో షేర్ చేస్తూ ఉంటారు. ఆమె తండ్రి మహేష్ తో చేసే అల్లరి వీడియోలతో సూపర్ పాపులారిటీ తెచ్చుకుంది. ఏడేళ్ల ప్రాయంలోనే ఈ చిచ్చర పిడుగు అప్పుడే వంశీ పైడిప‌ల్లి కూతురు ఆద్య‌తో కలిసి 'ఎ అండ్ ఎస్' అనే ఓ యూట్యూబ్ ఛానల్ నడుపుతోంది. ఇందులో పిల్లలకు వినోదాన్నిచ్చే ఫన్నీ ఛాలెంజెస్, టాస్క్స్, గేమ్స్, ఫైటింగ్స్ ఉంటాయి. ఈ ఛానల్ లో లక్షకు పైగా సబ్స్క్రైబర్స్ ఉన్నారు. ఇక ప్రస్తుత పరిస్థితుల్లో స్కూల్స్ కూడా క్లోజ్ అయి ఉండటంతో సితార ఇంట్లో చేసే మాములుగా లేదు. సితార అల్లరి చేసే వీడియోలను వాళ్ళ అమ్మ నమ్రత ఎప్పటికప్పుడు ఇంస్టాగ్రామ్ లో పంచుకుంటుంది. మహేష్ బాబు కూడా షూటింగ్స్ లేకపోవడంతో సితార గౌతమ్ లతో కలిసి ఎంజాయ్ చేస్తున్నారు. ఈ క్రమంలో తాజాగా సితారకు సంబంధించి మరో వీడియో షేర్ చేసారు నమ్రత.
కాగా వార్నర్ బ్రదర్స్ సంస్థ నిర్మాణంలో వచ్చిన 'కంజ్యూరింగ్' చిత్రాలు ప్రేక్షకులను ఎంతగా అలరించాయో ప్రత్యేకంగా చెప్పాల్సిన పనిలేదు. భయానికి చిరునామాగా నిలిచిన 'కంజ్యూరింగ్' సినిమాలు ఇప్పటి వరకు నాలుగు వచ్చాయి. ఈ సిరీస్ లో వచ్చిన ప్రతి సినిమా ఒకదానికి మించి ఒకటి భయపెడుతూ వచ్చాయి. ఇవన్నీ తెలుగులో కూడా రిలీజ్ అవుతూ ఇక్కడి వారిని కూడా ఆకట్టుకున్నాయి. 'కంజ్యూరింగ్' అంటే దెయ్యం లేదా మంత్రాలు చేసే విద్య అని అర్థం. ఇప్పుడు సూపర్ స్టార్ డాటర్ కూడా 'కంజ్యూరింగ్'గా మారిపోయింది. ఈ విషయాన్ని స్వయంగా నమ్రత వెల్లడించింది. కాకపోతే సితార పాప సినిమాల్లో భయపెట్టకుండా ఇంట్లో ఫ్యామిలీ మెంబెర్స్ ని భయపెడుతోంది. దీనికి సంభందించిన వీడియోని ఇంస్టాగ్రామ్ లో షేర్ చేసిన నమ్రత ''ఇంట్లో కంజ్యూరింగ్ ఉంది. అది మా లిటిల్ బ్రాట్'' అని క్యాప్షన్ పెట్టింది. ఈ వీడియోలో సితార కంజ్యూరింగ్ గా మారిపోయి భయపెట్టే ప్రయత్నం చేసింది. ఈ వీడియో ప్రస్తుతం సోషల్ మీడియాలో వైరల్ అయింది.