నానీకి మ‌ర్చిపోలేని సినిమా చేస్తాడ‌ట‌

ఎలాంటి సినిమా నేప‌థ్యం - గాడ్ ఫాద‌ర్ లేకుండా సినిమాల్లో ఎంట్రీ ఇచ్చాడు నాని. త‌న నేచుర‌ల్ న‌ట‌న‌తో ఆక‌ట్టుకుంటూ నేచుర‌ల్ స్టార్ గా మారాడు. అత‌ని మొద‌టి సినిమా అష్టాచ‌మ్మా. అందులో త‌న‌తో న‌టించిన అవ‌స‌రాల‌... నానీకి మంచి ఫ్రెండ్ అయిపోయాడు. ఇప్పుడు అవ‌స‌రాల ద‌ర్శ‌కుడిగా... నానీ హీరోగా సినిమాకు స‌ర్వం సిద్ధం అయింది. కానీ అవ‌స‌రాల హ‌ఠాత్తుగా సినిమా క‌థ మొత్తం మార్చేశాడ‌ట‌.

అవ‌స‌రాల శ్రీనివాస్ ద‌ర్శ‌కుడిగానూ - న‌టుడిగాను కూడా రాణిస్తున్నాడు. కాగా జ్యో అచ్యుతానంద సినిమాతో డైరెక్ట‌ర్‌ గానూ ప‌నికొస్తాన‌ని నిరూపించుకున్నాడు. అందులో చిన్న గెస్ట్ రోల్ చేశాడు నాని. ఆ స‌మ‌యంలోన త‌న స్నేహితుడు నానీని హీరోగా పెట్టి సినిమా తీస్తాన‌ని ప్ర‌క‌టించాడు. అన్న‌ట్టు ఓ క‌థ కూడా సిద్ధం చేశాడు. ఇంత‌లో జెంటిల్ మేన్ విడుద‌లైంది. అందులో నానీ ఇచ్చిన వేరియేష‌న్స్ చూసి అవ‌స‌రాల ముగ్ధుడైపోయాడ‌ట‌. దీంతో రాసుకున్న పాత‌క‌థ‌ను ప‌క్క‌న ప‌డేసి... నానీకోసం అద్భుత‌మైన క‌థ‌ను సిద్ధం చేశాడట‌. నానీకి జీవితంలో మ‌ర్చిపోలేని అద్భుత సినిమా ఇవ్వాల‌న్న‌ది త‌న ల‌క్ష్య‌మ‌ని స‌న్నిహితులతో చెబుతున్నాడ‌ట అవ‌స‌రాల‌.

స్ర్కిప్ట్ వ‌ర్క్ మొత్తం పూర్తి చేశాడ‌ట అవ‌స‌రాల‌. నానీ కూడా కొత్త స్క్రిప్ట్‌ కు ఓకే చేసేసిన‌ట్టు తెలుస్తోంది. ఇక సెట్స్ మీద‌కి వెళ్ల‌డ‌మే త‌రువాయి. ప్ర‌స్తుతం నానీ క్రిష్ణార్జున యుద్ధంలో నటిస్తున్నాడు. ఆ త‌రువాత అవ‌స‌రాల సినిమా మొద‌ల‌య్యే అవ‌కాశం ఉంది. అన్న‌ట్టు నానీ స‌మ‌ర్ప‌ణ‌లో వ‌స్తున్న‌ అ అనే సినిమాలో కీల‌క పాత్ర చేస్తున్న‌ది అవ‌స‌రాలే. దీనిని బ‌ట్టి ఇద్ద‌రి స్నేహం బాగానే సాగుతోంది.