సక్సెస్ వస్తే సినిమా ఇండస్ట్రీలో ఎలా ఉంటుందో ప్రత్యేకంగా చెప్పనక్కర్లేదు. ముఖ్యంగా దర్శకుల ఫెట్ ఒక్కసారిగా మారిపోతుంది. అలాగే ప్రెజర్ కూడా పెరుగుతుంది. రీసెంట్ గా ఛలో సినిమాతో విజయం అందుకున్న వెంకీ కుడుముల కూడా ఇప్పుడు అదే లెవెల్లో ఉన్నాడు. త్రివిక్రమ్ దగ్గర ఒకప్పుడు అసిస్టెంట్ డైరెక్టర్ గా వర్క్ చేసిన వెంకీ ఛలో సినిమాలో మంచి ఎంటర్టైన్ ని అందించాడు. నాగ శౌర్య కెరీర్లో బిగ్గెస్ట్ హిట్ అందుకునేలా చేశాడు.
అయితే ఇతర హీరోలు కూడా వెంకీ డైరెక్షన్ లో చేయడానికి చాలా ఇష్టపడుతున్నారు. రీసెంట్ గా నాని - శర్వానంద్ ఛలో సినిమా చూసి చాలా ఇంప్రెస్ అయ్యారట. దీంతో సరికొత్త కథలు ఇంకేమైనా ఉంటే చూడు చేయడానికి సిద్ధమే అని ఇద్దరు హీరోలు ఓ సిగ్నల్ ఇచ్చారట. ఇక వెంకీ ప్రస్తుతం వారిద్దరి కోసం తనదైన శైలిలో సరికొత్త కథలను డెవెలప్ చేసే పనిలో పడ్డాడని తెలుస్తోంది. శర్వాతో ముందుగా వర్క్ చేసే అవకాశాలు ఉన్నట్టు సమాచారం. ప్రస్తుతం ఇద్దరు హీరోలు కొన్ని సినిమాలతో బిజీగా ఉన్నారు.
అయితే గతంలో వెంకీ ఛలో కథను చాలా మంది హీరోలకు చెప్పి చూశాడట. కానీ ఎవరు అతన్ని నమ్మలేదు. చివరికి నాగ శౌర్య ఒప్పుకొని తన సపోర్ట్ తో సినిమాను పట్టాలెక్కించాడు. నాగ శౌర్య కేరీర్ కి ఛలో నిజంగా చాలా ఉపయోగపడుతుంది అని చెప్పవచ్చు. ప్రస్తుతం ఆ హీరోకి అవకాశాలు చాలానే వస్తున్నాయి. కానీ మునుపటి లాగా ఎలా పడితే అలా ఒప్పుకోకుండా కొంచెం ఆలోచించి ఒకే చేయాలని డిసైడ్ అయ్యాడు.