డైరెక్టర్లని లాక్ చేసి పెడుతున్న నేచురల్ స్టార్...!

'అష్టాచమ్మ' చిత్రం ద్వారా పరిచయమై తక్కువ కాలంలోనే తెలుగు ప్రేక్షకుల మనసు దోచుకున్న నటుడు నాని. 'రైడ్', 'స్నేహితుడు','భీమిలీ కబడ్డీ జట్టు', అలా మొదలైంది చిత్రాల ద్వారా ఇండస్ట్రీలో తనకంటూ ఒక గుర్తింపు తెచ్చుకుని నేచురల్ స్టార్ అనిపించుకున్నాడు. 'ఏటో వెళ్లిపోయింది మనసు' 'ఈగ' 'మజ్ను' ‘భలే భలే మగాడివోయ్’ 'నేను లోకల్' 'ఎంసీఏ' 'నిన్ను కోరి' 'గ్యాంగ్ లీడర్' చిత్రాలు నానిని ఒక ప్రత్యేకమైన స్టార్ గా నిలబెట్టాయి. అయితే వరుస సినిమాలు చేసుకుంటూ పోయిన నాని కొంచెం స్లో అయ్యాడు. కానీ నాని మ‌ళ్లీ వ‌రుస సినిమాల్ని లైన్ లో పెట్టాడు. ఇప్పటికే నాని సుధీర్ బాబు కాంబినేషన్ లో 'వి' సినిమా కంప్లీట్ చేసాడు. దిల్ రాజు నిర్మించిన ఈ చిత్రాన్ని ఇంద్రగంటి మోహన కృష్ణ దర్శకత్వం వహించాడు. ఈ సినిమా పరిస్థితులు అనుకూలంగా పోయిన నెలలోనే థియేటర్స్ లోకి వచ్చేది. విడుదలకు సిద్దంగా వున్న 'వి' చిత్రంలో నాని నెగటివ్ రోల్ చేస్తున్నాడని సమాచారం. అంతేకాకుండా శివ నిర్వాణ దర్శకత్వంలో 'టక్ జగదీష్' అనే సినిమాను ఆఫీసియల్ గా అనౌన్స్ చేసాడు. దీని తర్వాత నాని ప్ర‌క‌టించిన సినిమా 'శామ్ సింగ్ రాయ్'. డిఫరెంట్ కథాంశంతో తెరకెక్కుతున్న ఈ సినిమాని 'టాక్సీవాలా' డైరెక్ట‌ర్ రాహూల్ రూపొందించనున్నారు.

ఇదే క్రమంలో 'మెంట‌ల్ మ‌దిలో' ఫేమ్ వివేక్ ఆత్రేయ కి కూడా నాని గ్రీన్ సిగ్నెల్ ఇచ్చాడని సమాచారం. ఆ త‌రువాత సుకుమార్ అసిస్టెంట్ తో కూడా నాని ప్రాజెక్ట్ ఉండ‌బోతుందని గత కొన్ని రోజులుగా వార్తలు వస్తున్నాయి. ఐదు సినిమాలని లైన్లో పెట్టిన నాని ఇంద‌రు డైరెక్ట‌ర్లు తన ద‌గ్గ‌రే లాక్ చేసి పెట్టుకున్నాడన్నమాట. కానీ ఈ ప్రాజెక్ట్స్ ఒకటి తర్వాత ఒకటి కంప్లీట్ చేయడానికి చాలా సమయం పడుతుంది. కానీ నాని దగ్గర లాక్ అయిన డైరెక్టర్లు ఆయన తో సినిమా చేయడానికి నాని గురించి వెయిట్ చేస్తూ ఆగాల్సిందే పాపం. అవాంతరాలు లేకుండా ఎంత ఫాస్ట్ గా షూటింగ్స్ పూర్తి చేసినా ప్రస్తుత పరిస్థితుల్లో సంవత్సరానికి రెండు మూడు కంటే ఎక్కువ సినిమాలు చేయలేరు. సో ఈ డైరెక్టర్లందరూ తమ నేచురల్ స్టార్ కోసం వెయిట్ చేయక తప్పదు. కాకపోతే వీరు నానితో సినిమా చేయడానికి టైం పట్టేలా ఉందని భావిస్తే ఆ లోపు వేరే హీరోతో ఒక సినిమా చేసి మళ్ళీ నాని దగ్గరకు వచ్చే ఆప్షన్ కూడా ఉంది. ఏదేమైనా ఎలాంటి బ్యాగ్రౌండ్ లేకుండా ఇండస్ట్రీలో అడుగుపెట్టి.. తన టాలెంటుతో డైరెక్టర్లు కూడా తన కోసం వెయిట్ చేసే పొజిషన్ కి నాని రావడం గర్వించదగ్గ విషయమనే చెప్పుకోవాలి.