నాని అస‌లు స‌త్తా ఎంతంటే..

‘భ‌లే భ‌లే మ‌గాడివోయ్’  ఏకంగా రూ.50 కోట్ల గ్రాస్ వ‌సూలు చేసి సంచ‌ల‌నం సృష్టించింది. అమెరికాలో 1.5 మిలియ‌న్ డాల‌ర్లు వ‌సూలు చేయ‌డం కూడా పెద్ద సంచ‌ల‌న‌మే. ఐతే ఆ సినిమా ఫ్లూక్ హిట్ అన్నారు. ఆ త‌ర్వాత ‘కృష్ణ‌గాడి వీర ప్రేమ గాథ‌’ కు కూడా మంచి ఓపెనింగ్సే వ‌చ్చాయి. ఐతే ఆ సినిమాకు కాంబినేష‌న్ క్రేజ్ క‌లిసొచ్చింద‌ని.. ప్ర‌మోష‌న్ భారీగా చేసి ఆర్టిఫిషియల్ హైప్ తీసుకొచ్చార‌న్న కంప్లైంట్స్ వ‌చ్చాయి. ఐతే ‘జెంటిల్ మ‌న్’  సంగ‌తి అలా కాదు. దీనికి అంత హైప్ లేదు. ద‌ర్శ‌కుడు ఇంద్ర‌గంటి మోహ‌న‌కృష్ణ దీనికి ముందు పెద్ద డిజాస్ట‌ర్ తీశాడు. ప్రొడ్యూస‌ర్ శివ‌లెంక కృష్ణ‌ప్ర‌సాద్ అస‌లు లైమ్ లైట్ లోనే లేడు. మిగ‌తా అద‌న‌పు ఆక‌ర్ష‌ణ‌లు కూడా ఏమీ లేవు ఈ సినిమాకు. ఉన్న పాజిటివ్ కేవ‌లం నాని మాత్ర‌మే.

ఈ నేప‌థ్యంలో ‘జెంటిల్ మ‌న్’  నాని స‌త్తాకు అస‌లు సిస‌లు ప‌రీక్ష‌గా భావించారంతా. ఈ సినిమాకు వ‌చ్చే ఓపెనింగ్సే నాని అస‌లు స్టామినా అని కూడా అన్నారు. కాబ‌ట్టి ‘జెంటిల్ మ‌న్’  తొలి రోజు వ‌సూళ్ల లెక్క‌లేంటో చూద్దాం. ఈ సినిమా తొలి రోజు ప్ర‌పంచ‌వ్యాప్తంగా రూ.5.5 కోట్ల గ్రాస్‌.. రూ.3.3 కోట్ల షేర్ వ‌సూలు చేయ‌డం విశేషం. అమెరికాలో మాత్ర‌మే రూ.1.45 కోట్ల గ్రాస్‌.. రూ.75 ల‌క్ష‌ల షేర్ వ‌చ్చింది. రెండు తెలుగు రాష్ట్రాల్లో రూ.3.14 కోట్ల గ్రాస్‌.. రూ.2.16 కోట్ల షేర్ వ‌సూలైంది. నైజాంలో మాత్ర‌మే రూ.1.4 కోట్ల గ్రాస్ క‌లెక్ట్ చేసిందీ సినిమా. నాని రేంజ్ క్ర‌మ క్ర‌మంగా ఎలా పెరుగుతోందో.. అత‌నెలా స్టార్ హీరోగా అవ‌త‌రిస్తున్నాడో చెప్ప‌డానికి ఈ గ‌ణాంకాలే రుజువు. కంప్లీట్ క్లాస్ సినిమాతో సైతం ఇలాంటి వ‌సూళ్లు సాధించ‌డం చిన్న విష‌యం కాదు. ఫుల్ ర‌న్లో ఈ సినిమా రూ.20 కోట్ల గ్రాస్ వ‌సూలు చేస్తుంద‌ని భావిస్తున్నారు.