బాలయ్య ఫ్యాన్‌ ఫిబ్రవరిలోనే...

భ‌లే భ‌లే మ‌గాడివోయ్ సినిమాతో అద్భుత విజ‌యాన్ని అందుకున్నాడు నాని. ఈ సినిమాతో ఓవ‌ర్సీస్‌ లోనూ బాక్సాఫీస్ కింగ్ అని ప్రూవ్ చేశాడు. ఇప్పుడు నాని రేంజే వేరు. అత‌డి సినిమాకి అమెరికాలోనూ వీరాభిమానులున్నారు. స‌రిగ్గా ఇలాంటి టైమ్‌ లో నానితో సినిమా తీసే ఛాన్స్ ప‌ట్టేశాడు అను రాఘ‌వ‌పూడి. అందాల రాక్ష‌సి లాంటి క్లాసిక్ సినిమాని అందించిన హ‌నుకి ఓ స‌రైన  హిట్టు కావాల్సిన త‌రుణ‌మిది. అందుకే అత‌డు ఈ చిత్రాన్ని ఎంతో ప్ర‌తిష్ఠాత్మ‌కంగా తెర‌కెక్కిస్తున్నాడు. 14 రీల్స్ ఎంట‌ర్‌ టైన్‌ మెంట్స్‌ కి పున‌ర్  వైభ‌వం తెచ్చే సినిమా కావాలిప్పుడు. అలాంటి టైమ్‌ లో నానితో సినిమా చేస్తోంది ఈ సంస్థ‌. కాబ‌ట్టి ప్ర‌స్తుతం ఈ క్రేజీ కాంబినేష‌న్‌ లో వ‌స్తున్న సినిమాపై  భారీగానే అంచ‌నాలున్నాయి.

ఈ సినిమా ఫ‌స్ట్‌ లుక్‌ - ఆడియో ఈనెల 10న రిలీజ్ కానున్నాయి. అలాగే సంక్రాంతికి థియేట్రిక‌ల్ ట్రైల‌ర్‌ ని సంక్రాంతికి రిలీజ్ చేయ‌నున్నార‌ని తెలుస్తోంది. అలాగే ఫిబ్ర‌వ‌రి 5న సినిమాని రిలీజ్ చేసే ఛాన్సుంద‌ని చెబుతున్నారు. ఇంత‌వ‌ర‌కూ వీటిని అధికారికంగా ప్ర‌క‌టించ‌లేదు కానీ, కొత్త సంవ‌త్స‌రం కానుక‌గా నాని మ‌రోసారి అభిమానుల‌కు విజువ‌ల్ ట్రీట్ ఇస్తాడ‌నే చిత్ర‌యూనిట్ ముచ్చ‌టించుకుంటోంది. ముఖ్యంగా ఇందులో హీరో క్యారెక్ట‌ర్ న‌ట‌సింహా బాల‌య్య‌కు వీరాభిమాని. అందువ‌ల్ల అటు నంద‌మూరి ఫ్యాన్స్ నుంచి మూవీకి బోలెడంత స‌పోర్టు ల‌భిస్తుంద‌న్న అంచ‌నాలున్నాయి.

భ‌లే భ‌లే విజ‌యం త‌ర్వాత నాని కెరీర్ గ్రాఫ్ పెద్ద స్థాయికి ఎదిగింది..  కాబ‌ట్టి ఇప్పుడు రాబోయే సినిమా అంత‌కంటే కీల‌క‌మైన‌ది. అభిమానుల్లో ఉన్న అంచ‌నాల్ని మించి కంటెంట్ వుంట‌నే ప‌న‌వుతుంది. కొత్త సంవ‌త్స‌రంలో నాని ఫ్యాన్స్‌కి అద్భుత‌మైన కానుక‌ను అందించాలి. కాబ‌ట్టి ఈ మూవీతో ఆ అంచ‌నాల్ని అందుకుంటాడ‌నే బావిద్దాం.