నాని మనసు మళ్ళీ అటు వెళ్లిందా ?

ఇప్పుడంటే నాని రేంజ్ ఎక్కడికో వెళ్లిపోయింది కానీ అప్ కమింగ్ స్టేజి లో ఉన్నప్పుడే దర్శకుడు గౌతమ్ మీనన్ తో ఎటో వెళ్లిపోయింది మనసు చేసే అదృష్టాన్ని దక్కించుకున్నాడు. సినిమా కమర్షియల్ గా అంతగా జనానికి ఎక్కలేదు కానీ యూత్ కు మాత్రం కొంతవరకు కనెక్ట్ అయ్యి ఇళయరాజా మ్యూజిక్ వల్ల  స్పెషల్ మూవీగా నిలిచిపోయింది. ఆ తర్వాత ఎవరి ప్రాజెక్టుల్లో వాళ్ళు బిజీగా ఉండటంతో మళ్ళి ఈ కాంబో సాధ్య పడలేదు. ఇన్నాళ్లకు నాని మరోసారి గౌతమ్ తో జత కట్టబోతున్నాడు అనే వార్త హాట్ టాపిక్ గా మారింది. నాని ప్రస్తుతం నాగార్జునతో కలిసి చేస్తున్న దేవదాస్ ఫినిషింగ్ తో పాటు తర్వాతి సినిమా జెర్సీ కోసం రెడీ అవుతున్నాడు. ఇది అయ్యాక గౌతమ్ మీనన్ తో ఉండే అవకాశం ఉందని తాజా అప్ డేట్. ఒకవేళ అదే నిజమైతే మరో క్లాసిక్ రెడీ అవుతున్నట్టే.  అధికారికంగా ప్రకటన రాలేదు కానీ చర్చలు జరుగుతున్నట్టు తెలిసింది.

గౌతమ్ మీనన్ విక్రమ్ తో చేసిన ధ్రువ నచ్చత్తిరమ్ షూటింగ్ పూర్తి చేసుకుని పోస్ట్ ప్రొడక్షన్ లో ఉంది. పెళ్లి చూపులు ఫేమ్ రీతూ వర్మ హీరోయిన్ గా నటించిన ఈ మూవీ రెండు భాగాలుగా విడుదల చేయవచ్చనే టాక్ కోలీవుడ్ లో ఇప్పటికే ఉంది. దీంతో పాటు ధనుష్-మేఘా ఆకాష్ కాంబోలో మరో సినిమా తెరకెక్కిస్తున్న గౌతమ్ అది పూర్తి చేసాక నానితో టై అప్ అవుతాడని వార్తల సారాంశం. అప్పటికంతా నాని జెర్సీ షూటింగ్ కూడా పూర్తయిపోయి ఉంటుంది కాబట్టి కలవడంలో ఆశ్చర్యం లేదు. అప్పుడంటే నానికి తగ్గట్టు లవర్ బాయ్ లాగా చూపించాడు కానీ ఇప్పుడు ఇది నిజమైతే నానిని ఎలా చూపిస్తాడా అనే ఆసక్తి కూడా సహజం. ఏ మాయ చేసావే సీక్వెల్ కూడా తీస్తారు అనే వార్తలు వచ్చిన నేపధ్యంలో అలాంటి ఆలోచనేది ప్రస్తుతానికి లేదని గౌతమ్ ఇటీవలే ఓ ఇంటర్వ్యూలో అన్నారు. సో న్యాచురల్ స్టార్ ప్లస్ న్యాచురల్ డైరెక్టర్ మరోసారి కలుస్తారా లేదా అనేది మరికొద్ది రోజుల్లో తేలిపోతుంది.