రియా డ్రగ్స్‌ కేసుతో టాలీవుడ్‌ కు ఎంత సంబంధం?

సుశాంత్‌ మృతి కేసులో సీబీఐ విచారణ ఎదుర్కొంటున్న రియా చక్రవర్తి అనూహ్యంగా డ్రగ్స్‌ కేసులో చిక్కుంది. ఈమె వద్ద డ్రగ్స్‌ డీలర్ల నెంబర్స్‌ లభించడంతో పాటు కొన్ని రోజుల క్రితం పట్టుబడ్డ డ్రగ్స్‌ డీలర్లు రియా పేరు వెళ్లడించారు. ఆమె డ్రగ్స్‌ కొనుగోలు చేసినట్లుగా ఎన్‌ సీ బీ సాక్ష్యాధారాలు సమర్పించి అరెస్ట్‌ చేయడం జరిగింది. రియా మరియు ఆమె సోదరుడు డ్రగ్స్‌ కేసులో అరెస్ట్‌ అయ్యారు. వారిని విచారించగా మరికొందరి పేర్లు కూడా వస్తున్నాయి. ఇప్పటికే రియాను విచారించిన సమయంలో హీరోయిన్స్‌ సారా అలీ ఖాన్‌ మరియు రకుల్‌ ప్రీత్‌ సింగ్‌ పేర్లను చెప్పింది అంటూ ప్రముఖ జాతీయ మీడియా సంస్థ కథనంలో పేర్కొనడం టాలీవుడ్‌ లో చర్చనీయాంశం అయ్యింది.

టాలీవుడ్‌ లో రకుల్‌ ప్రీత్‌ సింగ్‌ కు సన్నిహితంగా ఉండే హీరోలు మరియు హీరోయిన్స్‌ కు కూడా ఈ కేసుతో ఏమైనా సంబంధం ఉండి ఉంటుందా అంటూ అనుమానాలు వ్యక్తం అవుతున్నాయి. సోషల్‌ మీడియాలో కొందరు ఈ కేసుతో నీకు ఏమైనా సంబంధం ఉందా భయ్యా అంటూ నవదీప్‌ ను ట్యాగ్‌ చేసి ట్వీట్స్‌ చేస్తున్నారు. ఒక కామెంట్‌ కు సమాధానంగా నవదీప్‌ స్పందిస్తూ.. నాకు ఏమీ బాధ లేదు బ్రదర్‌ నువ్వు కూడా ఏబాధ పెట్టుకోకు. పదా పనికి వచ్చే పనులు ఏమైనా చేసుకుందాం అంటూ ఫన్నీగా ట్వీట్‌ చేశాడు. డ్రగ్స్‌ కు సంబంధించిన వార్తలు వచ్చిన ప్రతి సారి కూడా నవదీప్‌ తో పాటు కొన్ని పేర్లు ప్రముఖంగా వస్తాయి. ఈసారి కూడా ఆ పేర్లు వస్తున్నాయి. సుశాంత్‌ కేసు టాలీవుడ్‌ వరకు ఇబ్బంది పెడుతుందా అనేది తెలియాలంటే మరికొన్నాళ్లు వెయిట్‌ చేయాలి.