తమన్నా మూవీలో ఆ యంగ్ హీరో

ప్రస్తుతం టాలీవుడ్ రేంజ్ పెరిగిందని అనడంలో సందేహం లేదు. గతంలో తెలుగు సినీ పరిశ్రమను చిన్నచూపు చూసిన బాలీవుడ్ జనాలు కూడా.. ఇప్పుడు టాలీవుడ్ లో సినిమాలు చేసేందుకు ఉత్సాహం చూపుతున్నారు. దర్శకుడు కునాల్ కోహ్లీ డైరెక్టుగా తెలుగులో ఓ సినిమా చేస్తుండగా.. ఇందులో తమన్నా లీడ్ రోల్ చేస్తోంది.

ఇంకా టైటిల్ డిసైడ్ చేయని ఈ మూవీలో సందీప్ కిషన్ హీరోగా నటిస్తున్నాడని ఇప్పటికే చెప్పేసుకున్నాం. ఇప్పుడు మరో యంగ్ హీరో ఈ సినిమాలో కీలక పాత్ర పోషిస్తున్నాడు. అతనెవరో కాదు.. నవదీప్. ఈ మధ్య సినిమాల కౌంట్ తగ్గినా.. తనకు తగిన కేరక్టర్స్ చేస్తూ ఆకట్టుకుంటున్నాడు. రీసెంట్ గా ధృవ మూవీలో రామ్ చరణ్ స్నేహితుడిగా నవదీప్ మెప్పించాడు. ఇప్పుడు తమన్నా మూవీలో నటిస్తున్న నవదీప్.. ఆ మూవీ షూటింగ్ ని స్టార్ట్ చేసేశాడు కూడా. ప్రస్తుతం ఈ సినిమా షూటింగ్ లండన్ లో శరవేగంగా జరుగుతుండగా.. ఇప్పటికే నవదీప్ అక్కడ వాలిపోయాడు కూడా.

'వాళ్లు చీజ్ అన్నారు.. నేను ఓకే అన్నాను' అంటూ ఈ మూవీలో తను నటిస్తున్న విషయాన్ని అఫీషియల్ గా చెప్పాడు నవదీప్. మీడియం బడ్జెట్ రేంజ్ లో ఈ మూవీ ఉంటుందని తెలుస్తోంది. ప్రధాన పాత్ర తమన్నాదే కాగా.. నవదీప్ రోల్ కు ఇంపార్టెన్స్ ఉంటుందని.. అయితే సినిమా అంతా కనిపించే రోల్ కాదని తెలుస్తోంది.

Like Us on Facebook : https://www.facebook.com/Tupakidotcom/