చిరు, పవన్‌ డ్రింకింగ్‌ పై నాగబాబు మాట

మెగా బ్రదర్‌ నాగబాబు ఈమద్య కాలంలో సోషల్‌ మీడియాలో పలు హాట్‌ టాపిక్స్‌ పై స్పందిస్తున్న విషయం తెల్సిందే. తన యూట్యూబ్‌ ఛానెల్‌ ద్వారా పొలిటికల్‌ పంచ్‌ లు వేస్తున్న నాగబాబు తాజాగా చిరంజీవి మరియు పవన్‌ కళ్యాణ్‌ ల ఆల్కహాల్‌ అలవాటుపై స్పందించాడు. సినీ సెలబ్రెటీలు దాదాపుగా అంతా కూడా ఏదో ఒక సమయంలో, సందర్బంలో ఆల్కహాల్‌ తీసుకుంటూనే ఉంటారు. సెలబ్రెటీలు అన్నప్పుడు అవి తప్పవు. చాలా అరుదుగా ఆల్కహాల్‌ తీసుకోకుండా ఉంటారు.

చిరంజీవి ఆల్కహాల్‌ తీసుకుంటారా అంటూ ఒక ఇంటర్వ్యూలో నాగబాబును ప్రశ్నించిన సమయంలో ఆయన స్పందిస్తూ.. అన్నయ్య అరుదుగా ఆల్కహాల్‌ తీసుకుంటారు. కేవలం పార్టీలకు మాత్రమే ఆయన మద్యం సేవిస్తారు. పార్టీల సమయంలో అది కూడా ఒక మోస్తరుగా తీసుకుంటారని చెప్పిన నాగబాబు తమ్ముడు పవన్‌ కళ్యాణ్‌ మాత్రం మరీ తక్కువగా ఆల్కహాల్‌ తీసుకుంటాడని చెప్పాడు.

ఇక తన విషయానికి వస్తే గతంలో తాను కూడా ఆల్కహాల్‌ తీసుకునే వాడిని అని, అయితే ఆరోగ్య కారణాల వల్ల ప్రస్తుతం ఆల్కహాల్‌ కు పూర్తి దూరంగా ఉంటున్నట్లుగా చెప్పుకొచ్చాడు. స్మోకింగ్‌ చేయడం కూడా తనకు ఇష్టం ఉండేది, కాని ఇప్పుడు స్మోక్‌ కు కూడా దూరంగా ఉంటున్నట్లుగా నాగబాబు చెప్పుకొచ్చాడు. ఆరోగ్యం దృష్టిలో పెట్టుకుని, మితంగా తాగితే ఆల్కహాల్‌ చెడ్డ అలవాటు ఏం కాదు అనేది డాక్టర్ల మాట. అదే మెగా బ్రదర్స్‌ కూడా పాటిస్తున్నట్లుగా ఉన్నారు.