నాని కోరాడు.. ఇదే బెస్ట్ ఓపెనింగ్

నాని నటించిన లేటెస్ట్ మూవీ థియేటర్లలో బాగానే సందడి చేస్తోంది. నిన్ను కోరి అంటూ.. నివేదా థామస్.. ఆది పినిశెట్టిలతో కలిసి నాని చూపించిన ప్రేమకు జనాల నుంచి రెస్పాన్స్ అదిరిపోయింది. మొదటి రోజు కలెక్షన్స్ చూస్తే.. నేచురల్ స్టార్ గా తన సత్తా ఏంటో నాని చాటాడన్న విషయం అర్ధమవుతుంది.

మొదటి రోజునే 10కోట్లకు పైగా గ్రాస్.. 6 కోట్లకు పైగా షేర్ వసూలు చేయగలిగింది నాని నిన్ను కోరి. నైజాంలో తొలి రోజున 1.69 కోట్లు.. వైజాగ్ 57 లక్షలు.. ఈస్ట్ 45 లక్షలు.. వెస్ట్ 32 లక్షలు.. కృష్ణా 36 లక్షలు.. గుంటూరు 40 లక్షలు.. నెల్లూరు 18 లక్షలు వసూలయ్యాయి. మొత్తంగా కోస్తా జిల్లాల వరకూ 2.28 కోట్లు రాగా.. సీడెడ్ లో వచ్చిన 58 లక్షలు.. నైజాం ఏరియాలు కలుపుకుంటే.. రెండు తెలుగు రాష్ట్రాల వరకే నిన్ను కోరి 4.55 కోట్ల షేర్ ను సాధించడం విశేషం. గ్రాస్ అయితే 6.8 కోట్లుగా నమోదైంది. యూఎస్ ఆడియన్స్ నుంచి ఈ చిత్రానికి రెస్పాన్స్ బాగానే ఉంది. మొదటి రోజున 1.12 కోట్ల రూపాయల షేర్ రాగా.. మిగిలి ఏరియాలతో కలుపుకుంటే మొత్తం 6.2 కోట్ల షేర్.. 10.6 కోట్ల గ్రాస్ వచ్చింది.

ఈగ మినహాయిస్తే.. నాని కెరీర్ లో ఇదే బెస్ట్ ఓపెనింగ్ కావడం విశేషం. ఈ ఏడాది నాని బ్లాక్ బస్టర్ నేను..లోకల్ కంటే ఎక్కువ ఓపెనింగ్స్ ను రాబట్టింది నిన్ను కోరి. టాక్ కూడా బాగానే ఉండడంతో.. ఈ జోరు కొనసాగడం అంటున్నారు ట్రేడ్ జనాలు.