నితిన్ కే ఎందుకు పంచ్ పడుతోంది?

కొన్ని నెలల క్రితం వరకూ బాగా యాక్టివ్ గా ఉన్నాడు కుర్ర హీరో నితిన్. ప్రస్తుతం త్రివిక్రమ్ తీస్తున్న అ.. ఆ.. షూటింగ్ సమయాల్లో తప్ప అసలు నితిన్ పేరు వినిపించడమే మానేసింది. సాధారణంగా బాగా యాక్టివ్ గా ఉండే ఈ హీరో.. ఇప్పుడు బాగా తగ్గాడు కూడా. దీనికి కారణం కుర్రహీరోకి వరుసగా పడ్డ పంచ్ లే అని తెలుస్తోంది.

మొదటగా చెప్పాలంటే లోఫర్ సినిమాను డైరెక్టర్ పూరీ జగన్నాధ్.. నితిన్ తోనే తీయాల్సి ఉంది. కానీ నితిన్ ఆ ప్రాజెక్ట్ నుంచి తప్పుకున్నాడు. ఆ తర్వాత వచ్చిన శివం మూవీని కూడా నితిన్ చేయాల్సి ఉంది. అయితే ఈ రెండు ఫ్లాప్ కావడంతో తప్పుకున్నందుకు నితిన్ సంతోషించే విషయమే అయినా.. అఖిల్ మాత్రం పీడకలలా మారిపోయింది నితిన్ కి. నిర్మాతగా అవతారం ఎత్తిన ఈ మూవీ ఫ్లాప్ కారణంగా.. అక్కినేని ఫ్యాన్స్ ఆగ్రహానికి గురి కావాల్సి వచ్చింది. నిర్మాతగా ఎఫర్ట్ బాగానే ఉన్నా.. మాటలు మాత్రం గట్టిగానే పడాల్సి వచ్చింది. మరోవైపు నిర్మాతగానూ ఈ మూవీతో భారీగానే లాస్ వచ్చింది. ఇప్పుడు త్రివిక్రమ్ డైరెక్షన్ లో తెరకెక్కుతున్న అ..ఆ..కు మ్యూజిక్ డైరెక్టర్ బాధ్యతల నుంచి అనిరుధ్ ని తప్పించాల్సి వచ్చింది.

70 శాతం షూటింగ్ పూర్తయిన ఈ సినిమాకి, ఇంకా పాటలు మాత్రమే పిక్చరైజ్ చేయాల్సి ఉంది. కానీ సాంగ్స్ ఇవ్వడంలో అనిరుధ్ ఫెయిల్ అయ్యాడు. బీపీ సాంగ్ దెబ్బ నితిన్ మూవీకి గట్టిగానే పడింది. వరుసగా ఎదురవతున్న ఇబ్బందులు నితిన్ ని ట్రబుల్స్ లో తోసేస్తున్నాయి. మరి ఈ సమస్యలన్నిటి నుంచి బైట పడేసి.. సక్సెస్ ట్రాక్ ఎక్కించి, రిలీఫ్ ఇవ్వాల్సింది ఇప్పుడు త్రివిక్రమ్ మాత్రమే.