నితిన్ ట్వీట్ వాళ్లను హర్ట్ చేసింది

యువ కథానాయకుడు నితిన్ పవర్ స్టార్ పవన్ కళ్యాణ్‌కు ఎంత పెద్ద అభిమానో అందరికీ తెలిసిందే. పవన్ కళ్యాణ్ విషయంలో సగటు అభిమాని లాగే స్పందిస్తుంటాడు నితిన్. పవన్ సినిమాలకు సంబంధించి ఏ చిన్న విశేషం బయటికి వచ్చినా అతను చాలా ఎగ్జైట్మెంట్‌ తో స్పందిస్తుంటాడు. నిన్న ‘కాటమరాయుడు’ టీజర్ విషయంలోనూ అలాగే రెస్పాండయ్యాడు. ఇప్పటిదాకా రాయుడులు ఎంతమంది ఉన్నా కాటమరాయుడు ముందు దిగదుడుపే అన్నట్లుగా ఒక ట్వీట్ చేస్తూ.. ‘కాటమరాయుడు’ టీజర్ లింక్ షేర్ చేశాడు నితిన్. ఐతే ఈ ట్వీట్ మంచు మోహన్ బాబు అభిమానుల్ని హర్ట్ చేసింది.

మోహన్ బాబు ‘పెదరాయుడు’ లాంటి బ్లాక్ బస్టర్ తో పాటు ‘రాయుడు’ అనే ఇంకో సినిమా కూడా చేసిన సంగతి తెలిసిందే. ఈ నేపథ్యంలో ఎవరేమన్నారో ఏంటో కానీ.. నితిన్ కాసేపటికే తన ట్వీట్ డెలీట్ చేసి క్షమాపణలు చెప్పాడు. తాను ఎవరినీ హర్ట్ చేసే ఉద్దేశంలో ఈ ట్వీట్ చేయలేదని.. ఎవరినైనా నొప్పించి ఉంటే క్షమించాలని అన్నాడు. అతను క్షమాపణలు చెప్పగానే మంచు లక్ష్మి స్పందించింది. క్షమాపణల్ని అంగీకరిస్తున్నామని.. ఇంకెప్పుడూ ఇలా చేయొద్దని ట్వీట్ చేసింది లక్ష్హి. దీన్ని బట్టి ఆమె నితిన్ ను నేరుగా ఫోన్ చేసి తన ట్వీట్ మీద అభ్యంతరం వ్యక్తం చేసి ఉండొచ్చని తెలుస్తోంది. ఐతే నితిన్ ఉద్దేశపూర్వకంగా ఏమీ ఈ ట్వీట్ చేసి ఉండడని.. అభిమానంతోనే కొంచెం అత్యుత్సాహం ప్రద్శించాడని చాలామంది నెటిజన్లు అభిప్రాయపడ్డారు.

Like Us on Facebook : https://www.facebook.com/Tupakidotcom/