రాత్రి 10 గంట‌ల నుంచి మ‌రుస‌టి రోజు ఉద‌యం వ‌ర‌కు ఫ్లైఓవర్ మీదే గ‌డిపిన హీరో హీరోయిన్లు సందీప్ కిష‌న్‌ - నిత్యమీనన్ ల క‌థ ఇది. ఎవ్వ‌రూ వీళ్ల‌ని డిస్ట‌ర్బ్ చేయ‌లేదు. దీంతో వాళ్ల ప‌ని వాళ్లు చేసుకుంటూ బిజీ బిజీగా గ‌డిపారు. పొద్దున్న‌య్యేస‌రికి ఇద్ద‌రూ ఇలా సెల్ఫీ కూడా తీసుకొన్నారు. ఇంత‌కీ వీళ్ల‌కి ఫ్లైఓవర్ పై ఏం ప‌ని అనేదేగా మీ సందేహం? అక్క‌డికే వ‌స్తున్నాం. వీళ్లిద్ద‌రూ క‌లిసి ` ఒక్క అమ్మాయి త‌ప్ప` అనే చిత్రంలో న‌టిస్తున్నారు. ఆ సినిమా మొత్తం ఫ్లై ఓవర్ మీదే సాగుతుంద‌ట. అందుకే వీళ్లిలా ఫ్లై ఓవర్ ఎక్కేశార‌న్న‌మాట. షూటింగ్ కోస‌మ‌ని ఓ స్టూడియోలో భారీగా ఫ్లైఓవర్ సెట్ వేసిన‌ప్ప‌టికీ వీళ్లు ఇలా రియ‌ల్ ఫ్లై ఓవర్ పైకి ఎక్కాల్సిన అవ‌స‌రం వ‌చ్చింది. సిటీలో ఉన్న ఫ్లైఓవర్ ల‌లో కాస్త ఖాళీగా క‌నిపించే ఫ్లై ఓవర్ అదే కావ‌డంతో నిత్య - సందీప్ అక్క‌డికి వెళ్లార‌న్న‌మాట. ర‌చ‌యిత రాజసింహ ద‌ర్శకుడిగా మారి తెర‌కెక్కిస్తున్న చిత్ర‌మిది. తొలిసారి సందీప్ - నిత్య క‌లిసి న‌టిస్తున్నారు. ``రాత్రి నుంచి ఉద‌యం వ‌ర‌కు షూటింగ్ జ‌రుగుతూనే ఉంది. అయినా హ్యాపీనే. నా జాబ్ అంటే నాకు చాలా ఇష్టం`` అంటూ ఈ ఫొటోని ట్వీట్ చేశాడు సందీప్ కిష‌న్‌. అద‌న్న‌మాట అస‌లు సంగ‌తి. నిత్యలాంటి హీరోయిన్ న‌టిస్తోందంటే ఈ సినిమాలో కాస్త విష‌యం ఉండే ఉంటుంది. ఎందుకంటే నిత్యమీనన్ క‌థ‌ల విష‌యంలో ప‌క్కాగా ఉంటుంది. అందుకే ఆమె న‌టించిన చాలా సినిమాలు విజ‌యవంత‌మ‌య్యాయి. సో... `ఒక్క అమ్మాయి త‌ప్ప` పై కూడా అంచ‌నాలు పెంచుకోవ‌చ్చు.