'రెడ్' పై భారీ ఆశలు పెట్టుకున్న ఇద్దరు భామలు.. లేకుంటే కెరీర్??

సౌత్ వయ్యారి భామలు నివేదా పేతురాజ్, మాళవిక శర్మ. ఇద్దరూ కూడా టాలీవుడ్ ఇండస్ట్రీలో సరైన హిట్ కోసం, అవకాశాల కోసం ఎదురు చూస్తున్నారు. పరబాషా రాష్ట్రాల నుండి వచ్చిన ఈ ఇద్దరు ముద్దుగుమ్మలు సోలో హీరోయిన్స్ గా ఇంకా సెటిల్ కాలేదు. మెంటల్ మదిలో సినిమాతో తెలుగుతెరకు పరిచయమైన నివేద.. చూడటానికి సంప్రదాయబద్దంగా పక్కింటి అమ్మాయిలా కనిపించే నివేద అలాంటి పాత్రలే చేసింది. కెరీర్ మొదట్లో గ్లామర్ షోకి నో చెప్పిన నివేద.. చిత్రలహరి, బ్రోచేవారెవరురా సినిమాలతో డీసెంట్ హిట్స్ అందుకుంది. ఇక ఈ ఏడాది స్టైలిష్ స్టార్ అల్లు అర్జున్, త్రివిక్రమ్ శ్రీనివాస్ కాంబినేషన్‌లో తెరకెక్కిన `అల వైకుంఠపురంలో' సినిమాలో కాస్త గ్లామర్ ఒలకబోసే రోల్ చేసింది. ఇప్పటిదాకా నివేద చేసినవన్నీ సెకండ్ హీరోయిన్ పాత్రలే.

ప్రస్తుతం గ్లామరస్ పాత్రలకు ఓకే అంటూ సోలోగా హిట్ కొట్టాలనే కసితో ఉన్నట్లు తెలుస్తుంది. ఇక మాళవిక శర్మ.. ఫస్ట్ సినిమాతోనే సోలో హీరోయిన్ గా పరిచయమైంది. కానీ ఆ సినిమా బాక్సాఫీస్ దగ్గర బోల్తా కొట్టడంతో అమ్మడికి అవకాశాలు రాలేదు. చాలా గ్యాప్ తర్వాత రామ్ సరసన రెడ్ సినిమా చేసింది. ఈ సినిమా వచ్చే సంక్రాంతికి సందడి చేయడానికి సిద్ధం అవుతోంది. ప్రస్తుతం ఈ ఇద్దరు ముద్దుగుమ్మలు రెడ్ సినిమా ఫలితం కోసం ఎదురు చూస్తున్నారు. చూస్తుంటే ఇద్దరూ కూడా రెడ్ పై ఎన్నో ఆశలు పెట్టుకున్నట్లు తెలుస్తుంది. కెరీర్‌లో కష్టపడుతున్నారు కానీ సోలో హీరోయిన్ గా ఒక్క హిట్ లేదు. నివేదా కొన్ని చేసినా సాలిడ్ హిట్ కోసం ట్రై చేస్తోంది. రెడ్ క్లిక్ అయితే గనక టాలీవుడ్ ఇండస్ట్రీకి మరో ఇద్దరు కుర్రభామలు దొరికినట్లే. చూడాలి మరి రెడ్ మూవీ ఈ ఇద్దరి భామల నమ్మకాన్ని నిలబెడుతుందేమో..!!