మజిలీలో ఆ ఇద్దరికీ లింక్ లేదు!

రేపు విడుదల అవుతున్న మజిలి పాజిటివ్ వైబ్రేషన్స్ తో బుకింగ్స్ బాగానే చేసుకుంటోంది. గత కొంత కాలంగా చెప్పుకోదగ్గ సినిమా లేక డీలా పడిన ప్రేక్షకులకు దీంతో సమ్మర్ గ్రాండ్ గా ఓపెన్ కావాలని ఎదురు చూస్తున్నారు. ప్రమోషన్ లో చైతు సమంతాలు హుషారుగా పాల్గొని తమ వంతుగా హైప్ పెంచే ప్రయత్నంలో సక్సెస్ అయ్యారు. ఇదిలా ఉండగా ఇందులో ఇద్దరు హీరొయిన్ల గురించి చైతు ఓపెన్ అయ్యాడు. దివ్యంశు కౌశిక్ సమంతా కాంబినేషన్లో ఎలాంటి సీన్స్ ఉండవని తేల్చి చెప్పాడు.

కాలేజీ లైఫ్ లో ఫస్ట్ లవర్ గా దివ్యాన్షు కనిపిస్తే పెళ్లి చేసుకున్నాక తన జీవితంలో ప్రవేశించే పాత్రలో సాం ఉంటుందట. సో ఈ ట్రాక్స్ విడివిడిగా ఉంటాయి తప్ప కలిసె అవకాశం లేదని తేలిపోయింది. అంతే కాదు దివ్యాన్షుతో చేసిన లిప్ లాక్ సీన్ షూట్ చేస్తున్నప్పుడు సమంతా సెట్ లో లేదట. కథ ప్రకారం చాలా పద్ధతిగా ఆ సీన్ తీయడం జరిగిందే తప్ప అంతకు మించి చెప్పడానికి ఏమి లేదని చైతు స్మార్ట్ గా దాటవేశాడు.

మజిలి ఓ ఎమోషనల్ జర్నీ అని ముందే ట్రైలర్ ద్వారా క్లారిటీ ఇచ్చేయడంతో మనం తర్వాత వెండితెరపై కనిపించనున్న అక్కినేని జంట కోసం ప్రేక్షకులు ఆసక్తిగా ఎదురు చూస్తున్నారు. పాజిటివ్ టాక్ వచ్చిందా జనం మండే ఎండలను లెక్క చేయరు. మంచి వసూళ్లు రాబట్టుకునే ఛాన్స్ ఉంటుంది. పైగా ఆపై వారం దాకా ఏ పోటీ లేదు.

ఇంగ్లీష్ హింది నుంచి సైతం చెప్పుకోదగ్గ మూవీ ఏది లేకపోవడంతో మజిలికి ఇది మంచి ఛాన్స్ గా నిలవబోతోంది. ఇప్పటికే గోపి సుందర్ మ్యూజిక్ పాస్ అయిపోయింది. తమన్ గురించి ప్రత్యేకంగా చెబుతున్నారు కాబట్టి రీ రికార్డింగ్ ఇంకో ఆకర్షణగా నిలిచింది. రేపీ సమయానికి మజిలి స్టేటస్ తెలిసిపోతుంది. చూద్దాం