ఇంత అన్యాయం ఏ క్లబ్బులోనూ లేదు!

క్లబ్బులు పలు రకాలు.  హెల్త్ క్లబ్బులు.. లాఫింగ్ క్లబ్బులు.. డబ్బును ఊస్టు చేసే క్లబ్బులు..పేకాట క్లబ్బులు.. ఇలా ఒకటా రెండా? అదేదో పాత సినిమాలో "హైదరాబాదు.. సికందరాబాదు.. వికారాబాదు.. అహమదాబాదు.. " అని వీరభద్రరావు గారు అన్నట్టు మనం చెప్పుకుంటూ పోవచ్చు. కానీ అలా చేస్తే అసలు విషయంలోకి అసలు వెళ్ళలేం.  అందుకే డైరెక్ట్ గా ముంబైలో హైఫై జనాలు వెళ్ళే ఒక క్లబ్ గురించి చెప్పుకుందాం.

ముంబైలోని లోయర్ పరేల్ ఏరియాలో ఒక క్లబ్ ఉందట.  ఆ క్లబ్ లోకి వెళ్ళడానికి 'స్టూడెంట్ ఆఫ్ ది ఇయర్ 2' ఫేం అనన్య పాండే ప్రయత్నించిందట.  కానీ ఆ క్లబ్ రూల్ ప్రకారం 24 ఏళ్ళకంటే పై వయసువారినే అనుమతిస్తారట.  కానీ ఈ స్టార్ కిడ్ వయసు జస్ట్ ట్వంటీ.  అందుకే "పాపా.. నీకు ఎంట్రీ లేదు" అని చెప్పి తిప్పి పంపారట. అదేంటో.. 14 ఏళ్ళకే అన్నీ చూసేస్తూ ఇరవై కల్లా 'అంతర్యామి అలసితి సొలసితి' అనే జనాలున్న ఈ జనరేషన్ లో 24 ఏళ్ళ వయసును ఏ లెక్కన క్లబ్ ఎంట్రీకి కటాఫ్ గా పెట్టారో.. అసలు వారి ఉద్దేశం ఏంటో.. !

సరే ఎవరి రూలు వారిది.  ఆ రూల్స్ సంగతి పక్కన పెట్టేద్దాం.  అనన్య పాండే ఎవరో తెలుసు కదా.. సీనియర్ హీరో చుంకీ పాండే గారాలపట్టి. బాలీవుడ్ డెబ్యూ కరణ్ జోహార్ బ్యానర్ లో జరిగింది. ఇప్పుడు సెకండ్ సినిమా కూడా ఫిక్స్ అయిందట.. ముదస్సీర్ అజీజ్ దర్శకత్వంలో తెరకెక్కనున్న 'పతి పత్ని ఔర్ వో' అనే సినిమాలో హీరోయిన్ గా ఎంపికయింది.  ఈ సినిమాలో హీరో కార్తిక్ ఆర్యన్. భూమి పెడ్నేకర్ ఈ సినిమాలో మరో హీరోయిన్ గా నటిస్తోంది.