కాటమరాయుడు ఏప్రిల్9.. రియాక్షన్ ఉందా?

గత కొన్ని రోజులుగా సోషల్ మీడియాలో పవన్ కళ్యాణ్ ఫ్యాన్స్.. కాటమరాయుడు మూవీపై  ఓ విషయంలో విపరీతమైన క్యాంపెయిన్ చేస్తున్నారు. 60 కోట్ల షేర్ రాబట్టిన కాటమరాయుడు మూవీని యాంటీ ఫ్యాన్స్ డిజాస్టర్ అని విమర్శిస్తుండడం నచ్చని పవన్ అభిమానులు.. ఈ చిత్రాన్ని హిట్ తీరానికి చేర్చాలని డిసైడ్ అయ్యారు.

అందుకే #KatamarayuduApril9 అనే హ్యాష్ ట్యాగ్ ని విపరీతంగా ప్రచారం కల్పించి.. ఏప్రిల్ 9న కాటమరాయుడు చిత్రాన్ని అభిమానులంతా మళ్లీ చూడాలని.. కలెక్షన్స్  కుంభవృష్టి కురిపించాలని ప్రచారం చేశారు. మొదటి రోజు తరహాలో వసూళ్లు రాబట్టేసి.. కాటమరాయుడిని హిట్ చేయాలన్నది వారి తపన. అయితే.. వాస్తవ పరిస్థితి మాత్రం అలా ఉన్నట్లుగా కనిపించడం లేదు. ఒక్కో మల్టీప్లెక్స్ కాంప్లెక్స్ లో 25-30 షోల నుంచి 3-4 షోస్ మాత్రమే ఇప్పుడు వేస్తున్నా.. అడ్వాన్స్ బుకింగ్స్ ట్రెండ్ ప్రకారం చూస్తే అవి కూడా నిండేట్లుగా కనిపించడం లేదు.

ఎంతలేసి ప్రచారం కల్పించినా కాటమరాయుడుఏప్రిల్9కి అంతగా స్పందన లేదనే మాట మాత్రం వాస్తవమే. ఆదివారం కాబట్టి.. వీరాభిమానుల కారణంగా కొద్దో గొప్పో కలెక్షన్స్ పెరగచ్చేమో తప్ప.. మరీ ఈ సినిమాను సేఫ్ జోన్ కి తీసుకెళ్లే స్థాయి వసూళ్లయితే కష్టమే అనిపిస్తోంది. ఐడియా బాగానే ఉన్నా.. మళ్లీ కాటమరాయుడుని చూడ్డానికి పవన్  ఫ్యాన్స్ అందరూ సిద్ధపడ్డంలేదనే అనిపిస్తోంది.

Like Us on Facebook : https://www.facebook.com/Tupakidotcom/