గ్యారేజ్ హీరోయిన్ గా రెండు ఆప్షన్స్‍

నాన్నకు ప్రేమతో సక్సెస్ జోష్ ను ఎంజాయ్ చేస్తున్న యంగ్ టైగర్ ఎన్టీఆర్.. అంతే ఫాస్ట్ గా నెక్ట్స్ ప్రాజెక్ట్ ను స్టార్ట్ చేసేయబోతున్నాడు. కొరటాల శివ డైరెక్షన్ లో తెరకెక్కనున్న జనతా గ్యారేజ్ కోసం.. ఇప్పటికే సారధి స్టూడియోస్ లో భారీ సెట్ నిర్మాణం పూర్తి కావచ్చింది. కానీ ఈ మూవీలో లీడ్ హీరోయిన్ విషయమే ఇంకా తేలలేదు. సెకండ్ హీరోయిన్ గా నిత్యా మీనన్ ఫైనల్ అయినా.. లీడ్ హీరోయిన్ విషయంలోనే ఇంకా సస్పెన్స్ కొనసాగుతోంది.

తనకు అచ్చి రాలేదని భావించి సమంతను తప్పించాక, ఎవరిని తీసుకోవాలనే విషయం ఇంకా తేలలేదు. అయితే స్టోరీ ప్రకారం యంగ్ హీరోయిన్ ని మాత్రమే తీసుకోవాలని అనుకుంటున్నారు. ఇఫ్పటికే చాలా పేర్లను పరిశీలించినట్లు తెలుస్తోంది. రకుల్ ప్రీత్ సింగ్ - కాజల్ అగర్వాల్ - శృతి హాసన్ - రెజీనా - రాశిఖన్నా.. ఇలా దాదాపు అందరినీ జల్లెడ పట్టేసిన హీరో ఎన్టీఆర్ - డైరెక్టర్ కొరటాల.. చెరో ఆప్షన్ దగ్గర ఆగారని తెలుస్తోంది. నాన్నకు ప్రేమతో బ్లాక్ బస్టర్ లో తనతో కలిసి భాగం పంచుకున్న రకుల్ కి జూనియర్ ఓటేస్తే.. తను తీసిన శ్రీమంతుడు విజయంలో కీలకం అయిన శృతి హాసన్ అయితే  బాగుంటుందని కొరటాల సూచిస్తున్నాడట.

ఎవరికి వారికి ఇద్దరి ఆప్షన్లు కరెక్ట్ గానే ఉండడంతో.. మళ్లీ సమస్య మొదటికి వచ్చినట్లు చెప్పుకుంటున్నారు. మొత్తానికి జనతా గ్యారేజ్ లో మెయిన్ హీరోయిన్ గా మాత్రం రకుల్ - శృతిల్లో ఒకరిని ఫైనల్ చేయనున్నారట. ఇద్దరిలో ఎవరైనా సరే సక్సెస్ సెంటిమెంటే కాబట్టి.. ఫ్యాన్స్ కూడా బాగా ఇంట్రెస్టింగ్ ఉన్నారు ఈ విషయంలో.