ఎన్టీఆర్ బర్త్ డే సెలబ్రేషన్స్ స్టార్ట్ చేసిన డై హార్డ్ ఫ్యాన్స్...!

హీరోల పుట్టిన రోజు వచ్చిందంటే వారి అభిమానులు చేసే హంగామా ఏ రేంజ్ లో ఉంటుందో ప్రత్యేకంగా చెప్పక్కర్లేదు. పెద్ద పెద్ద కటౌట్లు.. బ్యానర్లు.. ప్లెక్సీలు.. కేక్ కటింగులు అంటూ హడావిడి చేస్తూ ఉంటారు. తమ ఫేవరెట్ హీరో ఎక్కడున్నా హ్యాపీగా ఉండాలని ఫ్యాన్స్ కటౌట్లు ముందు బర్త్ డే వేడుకలు జరుపుతూ సంబరాలు చేసుకుంటూ ఉంటారు. ఇప్పుడు లేటెస్టుగా తమ ఫేవరేట్ హీరోల ఫోటోలను అందరూ కామన్ డీపీలుగా పెట్టుకొని బర్త్ డేని సెలెబ్రేట్ చేస్తున్నారు. అది వేరే సెలబ్రెటీలతో రిలీజ్ చేయించడం ఇప్పుడు ట్రెండ్ గా సాగుతోంది. కాగా నందమూరి నట వారసుడు యంగ్ టైగర్ ఎన్టీఆర్ బర్త్ డే సెలబ్రేషన్స్ కూడా అదే రేంజ్ లో స్టార్ట్ అయ్యాయి. ఈ నెల 20వ తేదీకి తారక్ 37వ ఏట అడుగుపెడుతున్నాడు. ఆయన పుట్టినరోజుకి ఇంకా పది రోజుల సమయం ఉన్నప్పటికీ ఎన్టీఆర్ డై హార్డ్ ఫ్యాన్స్ సోషల్ మీడియా వేదికగా అప్పుడే సంబరాలు మొదలు పెట్టేసారు. ఈ మధ్య సెలబ్రిటీల బర్త్ డే కి ఆనవాయితీగా వస్తున్న కామన్ డిస్ప్లే పిక్చర్ (డీపీ)ని తారక్ కోసం రెడీ చేసారు ఫ్యాన్స్. ఈ కామన్ డీపీని టాలీవుడ్ లోని 25 మంది ప్రముఖులు నిర్మాణ సంస్థలతో సోషల్ మీడియా వేదికగా విడుదల చేసారు.

టాలీవుడ్ హీరోలు రానా దగ్గుబాటి - సాయి ధరమ్ తేజ్ - కళ్యాణ్ రామ్ - నారా రోహిత్ - నాగ సౌర్య - విశ్వక్ సేన్ - జగపతి బాబు - బ్రహ్మాజీ.. హీరోయిన్లు కాజల్ అగర్వాల్ - రాశీ ఖన్నా - మెహరీన్ - నిధి అగర్వాల్ - రుహాని శర్మ - నివేతా థామస్.. సంగీత దర్శకులు దేవిశ్రీ ప్రసాద్ - థమన్ - అనూప్ రూబెన్స్ - కాలభైరవ.. దర్శకులు వంశీ పైడిపల్లి - హరీష్ శంకర్ - వెంకీ కుడుముల - బాబీ.. నిర్మాత నిర్మాణ సంస్థలు బండ్ల గణేష్ - BVSN ప్రసాద్ - SS కార్తికేయ - హారిక అండ్ హాసిని - మైత్రీ మూవీ మేకర్స్ - డీవీవీ మూవీస్ - శ్రీ వెంకటేశ్వర క్రియేషన్స్ - సితార ఎంటర్టైన్మెంట్స్ - ఈస్ట్ కోస్ట్ ప్రొడక్షన్స్ మొదలైన వారు ట్విట్టర్ వేదికగా ఎన్టీఆర్ కామన్ డీపీని రిలీజ్ చేసారు. అంతేకాకుండా ఎన్టీఆర్ ఫ్యాన్స్ ట్విట్టర్ వేదికగా #NTRBirthdayCDP అని 1.5 మిలియన్స్ హ్యాష్ ట్యాగ్ తో నేషనల్ వైడ్ ట్రెండ్ స్టార్ట్ చేసారు. మరి రాబోయే రోజుల్లో తమ అభిమాన హీరో ఎన్టీఆర్ కోసం ఫ్యాన్స్ ఇంకా ఎంత హడావిడి చేస్తారో చూడాలి.