కొర‌టాల‌కు ఎన్టీఆర్ కొత్త కండీష‌న్‌?

స్టార్ డైరెక్ట‌ర్ కొర‌టాల శివ ఇటీవ‌ల మెగాస్టార్ తో రూపొందించిన చిత్రం `ఆచార్య‌`. ఈ మూవీలోని కీల‌క పాత్ర‌లో మెగా ప‌వ‌ర్ స్టార్ రామ్ చ‌ర‌ణ్ న‌టించారు. భారీ స్థాయిలో రూపొందిన ఈ మూవీ రిలీజ్ కు ముందు అభిమానుల్లో అంచ‌నాల్ని పెంచింది. కానీ తీరా రిలీజ్ అయ్యాక దారుణ ఫ్లాప్ గా నిలిచి ఫ్యాన్స్ తో పాటు ప్ర‌తీ ఒక్క‌రికీ షాకిచ్చింది. భారీ అంచనాలు పెట్టుకున్న మూవీ ఇలా డిజాస్ట‌ర్ గా మార‌డంతో అంతా అవాక్క‌య్యారు.

ఈ మూవీ త‌రువాత కొర‌టాల శివ స్టార్ హీరో యంగ్ టైగ‌ర్ ఎన్టీఆర్ తో ఓ భారీ మూవీ చేయ‌బోతున్న విష‌యం తెలిసిందే. ఎన్టీఆర్ 30వ సినిమాగా తెర‌పైకి రానున్న ఈ భారీ చిత్రాన్ని ఎన్టీఆర్ ఆర్ట్స్ నంద‌మూరి క‌ల్యాణ్ రామ్ స‌మ‌ర్ప‌ణ‌లో యువ సుధా ఆర్ట్స్ బ్యాన‌ర్ పై కొర‌టాల శివ స్నేహితుడు సుధాక‌ర్ మిక్కిలినేని నిర్మిస్తున్నారు. ఈ ప్రాజెక్ట్ ప్ర‌క‌టించి దాదాపు ఏడాది కావ‌స్తున్నా..ఇటీవ‌ల ఎన్టీఆర్ పుట్టిన రోజు సంద‌ర్భంగా డైలాగ్ మోష‌న్ పోస్ట‌ర్ ని విడుద‌ల చేశారు.

ఐదు భాష‌ల్లో పాన్ ఇండియా వైడ్ గా ఈ మూవీని విడుద‌ల చేయాల‌ని ప్లాన్ చేస్తున్నారు. ఇందులో భాగంగానే ఐదు భాష‌ల్లోనూ డైలాగ్ మోష‌న్ పోస్ట‌ర్ ని విడుద‌ల చేశారు. ఎన్టీఆర్ ప‌లికిన సంభాష‌ణ‌లు ప‌వ‌ర్ ఫుల్ గా వుండ‌టం, మాసీవ్ అవ‌తార్ లో ఎన్టీఆర్ క‌నిపిస్తుండ‌టంతో సినిమా ఓ రేంజ్ లో వుండే అవ‌కాశాలు క‌నిపిస్తున్నాయ‌ని ఫ్యాన్స్ పండ‌గ చేసుకుంటున్నారు.

ఈ మూవీ రెగ్యుల‌ర్ షూటింగ్ జూలై నుంచి ప్రారంభం కాబోతోంది. ఈ నేప‌థ్యంలో ఓ ఆస‌క్తిక‌ర‌మైన వార్త ప్ర‌స్తుతం బ‌య‌టికి వ‌చ్చింది. పొలిటిక‌ల్ యాక్ష‌న్ థ్రిల్ల‌ర్ గా తెర‌పైకి రానున్న ఈ మూవీ స్క్రిప్ట్ వ‌ర్క్ లో బిజీగా వున్న ద‌ర్శ‌కుడు కొర‌టాల శివ‌కు హీరో యంగ్ టైగ‌ర్ ఎన్టీఆర్ ఓ కండీష‌న్ పెట్టార‌ట‌. అదేంటంటే సోష‌ల్ మీడియా సినిమాల‌కు ప్రధాన ప్ర‌చార సాధ‌నంగా మారిన నేప‌థ్యంలో ద‌ర్శ‌కుడు కొర‌టాల శివ‌ని మ‌ళ్లీ సోష‌ల్ మీడియాలో యాక్టీవ్ గా వుండ‌మ‌ని ఎన్టీఆర్ చెబుతున్నారని వార్త‌లు వినిపిస్తున్నాయి.  

`ఆచార్య‌`కు కొన్ని నెల‌ల ముందు ద‌ర్శ‌కుడు కొర‌టాల శివ కొన్ని వ్య‌క్తిగ‌త కార‌ణాల వ‌ల్ల త‌న సోష‌ల్ మీడియా అకౌంట్ ల‌ని డీయాక్టివేట్ చేశారు. అప్ప‌టి నుంచి మళ్లీ త‌న సోష‌ల్ మీడియా అకౌంట్ ల‌ని యాక్టీవ్ చేయ‌లేదు. ఈ నేప‌థ్యంలో ఎన్టీఆర్ మ‌ళ్లీ సోష‌ల్ మీడియాలో యాక్టీవ్ గా వుండాల‌ని కొర‌టాల శివ‌కు సూచించార‌ని వార్త‌లు ప్ర‌చారంలోకి రావ‌డం విశేషం.