ఫిలింన‌గ‌ర్ లో ఎన్టీఆర్ విగ్ర‌హావిష్క‌ర‌ణ‌

తెలుగు చలన చిత్ర పరిశ్రమ- ఫిల్మ్ నగర్ సొసైటీ ఆధ్వర్యంలో నందమూరి తారక రామారావు శతజయంతి సందర్భంగా ఫిల్మ్ నగర్ నందు విగ్రహాన్ని ఆవిష్కరించనున్నారు.

నందమూరి తారకరామారావు కుటుంబ సభ్యుల స‌మ‌క్షంలో జరిగే ఈ కార్య‌క్ర‌మానికి ప‌లువురు అతిథులు అటెండ‌వుతున్నార‌ని స‌మాచారం.

ఎమ్మెల్యే మాగంటి గోపీనాథ్ చేతుల‌మీదుగా ఈ విగ్ర‌హావిష్క‌ర‌ణ జ‌ర‌గ‌నుంది. జూబ్లీహిల్స్  సభాధ్యక్షులు.. ఎమ్మెల్యే దానం నాగేందర్ కార్య‌క్ర‌మంలో పాల్గొన‌నున్నారు.

నేటి (28-05-2022) ఉదయం 10 గంటలకు ఆనంద్ సినీ సర్వీసెస్ దగ్గర తారక రాముని విగ్ర‌హావిష్క‌ర‌ణ‌లో సినీప‌రిశ్ర‌మ ప్ర‌ముఖులు ప‌లువురు పాల్గొంటార‌ని తెలిసింది.

విశ్వవిఖ్యాత నట సార్వభౌమ,.. నటరత్న,.. నందమూరి తారకరామారావు శత జయంతి సంద‌ర్భంగా నేడు అభిమానుల్లో కోలాహాలం నెల‌కొంది.

#CentenaryCelebrationsOfNTR #100thBirthAnniversaryOfNTR .. అంటూ హ్యాష్ ట్యాగ్ లు సోష‌ల్ మీడియాలో వైర‌ల్ చేస్తున్నారు.  ఎన్టీఆర్ కి ఇరు తెలుగు రాష్ట్రాల్లో ఇప్ప‌టికే ప‌లు న‌గ‌రాల్లో విగ్ర‌హాలు ఉన్నాయి. అభిమానులు నిరంత‌రాయంగా విగ్ర‌హావిష్క‌ర‌ణ‌ల‌తో త‌మ అభిమానాన్ని చాటుకుంటున్న సంగ‌తి తెలిసిందే.