ఒక ప‌థ‌కం ప్ర‌కారం వ‌చ్చేస్తున్నాడుగా

స్టార్ డైరెక్ట‌ర్ పూరి జ‌గ‌న్నాథ్ సోద‌రుడిగా ఇండస్ట్రీలోకి ఎంట్రీ ఇచ్చిన సాయి రామ్ శంక‌ర్ హీరోగా ఆ స్థాయిలో మాత్రం ఆక‌ట్టుకోలేక‌పోతున్నాడు. మ‌ధ్య‌లో 'బంప‌ర్ ఆఫ‌ర్‌' మూవీతో కెరీర్ లో బంప‌ర్ హిట్ ని సొంతం చేసుకున్న సాయి రామ్ శంక‌ర్ కొంగ విరామం త‌రువాత మ‌ళ్లీ సినిమాల్లో న‌టించ‌డం మొద‌లు పెట్టాడు.

'బంప‌ర్ ఆఫ‌ర్ 2' చేయ‌బోతున్నానంటూ ప్ర‌క‌టించారు. కానీ ఆ ప్రాజెక్ట్ ఇంత వ‌ర‌కు ప‌ట్టాలెక్క‌లేదు. దీంతో పాటు సాయి రామ్ శంక‌ర్ న‌టించిన రెండు చిత్రాలు ఇప్ప‌టికీ పూర్తి కాలేదు స‌రిక‌దా రిలీజ్ కు కూడా నోచుకోలేదు.

త‌ను న‌టించిన 'నేనోర‌కం' 2017 లో ప్రేక్ష‌కుల ముందుకొచ్చింది. ఆ త‌రువాత అంగీక‌రించి చిత్రీక‌ర‌ణ ద‌శ‌లో వున్న 'వాడు నేను కాదు'. జ‌గ‌దాంబ చిత్రాలు విడుద‌ల కావాల్సి వుంది. ఇదిలా వుంటే తాజాగా సాయి రామ్ శంక‌ర్ రెండు సినిమాల‌ని ప్ర‌క‌టించేశాడు.

అందులో ఒక‌టి 'రీ సౌండ్‌' మూవీ కాగా. మ‌రొక‌టి 'ఒక ప‌థ‌కం ప్ర‌కారం'. వినోద్ విజ‌య‌న్ ద‌ర్శ‌క‌త్వం వ‌హిస్తున్నాడు. విభిన్న‌మైన క‌థ‌, క‌థ‌నాల‌తో రూపొందుతున్న‌ప ఈ మూవీలో సాయి రామ్ శంక‌ర్ డిఫ‌రెంట్ షేడ్స్ వున్న పాత్ర‌లో క‌నిపించ‌బోతున్నారు.

ఇదొక క్రైమ్ థ్రిల్ల‌ర్. అషీమా న‌ర్వాల్ హీరోయిన్ గా న‌టిస్తున్న ఈ మూవీని వినోద్ విజ‌య‌న్ ఫిలింస్ బ్యాన‌ర్ పై వినోద్ విజ‌య‌న్‌, గార్ల‌పాటి ర‌మేష్ సంయుక్తంగా నిర్మిస్తున్నారు. ఇటీవ‌లే టైటిల్, కాన్సెప్ట్ పోస్ట‌ర్ ని విడుద‌ల చేసిన మేక‌ర్స్ గురువారం ఫ‌స్ట్ గ్లింప్స్ ని రిలీజ్ చేశారు. డ్ర‌గ్స్ కి ఎడిక్ట్ అయిన యువ‌కుడిగా సాయి రామ్ శంక‌ర్ విభిన్న‌మైన‌ షేడ్స్ వున్న యువ‌కుడిగా క‌నిపించ‌బోతున్న‌ట్టుగా ఫ‌స్ట్ గ్లింప్స్ లో తెలుస్తోంది. ఫ‌స్ట్ గ్లింప్స్ సినిమాపై ఆస‌క్తిని రేకెత్తిస్తోంది.

స‌ముద్ర‌ఖ‌ని, శృతి సోధి ఇదిర ప్ర‌ధాన పాత్ర‌ల్లో న‌టిస్తున్నారు. ఈ చిత్రానికి సంగీతం రాహుల్ రాజ్‌, ఛాయాగ్ర‌హ‌ణం రాజీవ్ ర‌వి, ప‌ప్పు, వినోద్ ఇల్లంప‌ల్లి, సురేష్ రాజ‌న్‌, ఎడిటింగ్ కార్తీక్ జోగేష్‌, బ్యాగ్రైండ్ స్కోర్ గోపీ సుంద‌ర్‌, సాహిత్యం రెహ‌మాన్‌, గ్రాఫిక్స్ షిరోయ్ ఫిల్మ్‌ స్టూడియో.