బాలీవుడ్ బ్యూటీని ప‌డేసిన మ‌హేష్ లుక్స్.. మ‌న‌సులోని మాట చెప్పేసిన‌ ప‌రిణీతి!

టాలీవుడ్ లో మ‌హేష్ గ్లామ‌ర్ గురించి ప్ర‌త్యేకంగా చెప్పాల్సిన పనిలేదు. ఇక‌, ఆయ‌న సినిమాలు సృష్టించే మేనియా ఏ రేంజ్ లో ఉంటుందో కూడా తెలిసిందే. అయితే.. ఈ మిల్కీ బాయ్ కి అమ్మాయిల్లో స్పెష‌ల్‌ క్రేజ్ కామ‌న్‌. కానీ.. బాలీవుడ్ హీరోయిన్ల‌లోనూ అదే క్రేజ్ ఉండ‌డం విశేషం.

తాజాగా.. బాలీవుడ్ బ్యూటీ ప‌రిణీతి చోప్రా త‌న మ‌న‌సులోని మాట‌లు చెప్పేసింది. ఆమె చెప్పిన ముచ్చ‌ట్లు ఇప్పుడు సోష‌ల్ మీడియాలో తెగ వైర‌ల్ అవుతున్నాయి. ప‌రిణీతి లేటెస్ట్ మూవీ ‘ది గర్ల్ బిహైండ్ ఆన్ ది ట్రైన్’. త్వరలో విడుదలకు సిద్ధంగా ఉన్న ఈ మూవీ ప్ర‌మోష‌న్స్ చేప‌ట్టింది ప‌రిణీతి. ఈ సంద‌ర్భంగా మ‌హేష్ గురించి కామెంట్ చేసిందీ బాలీవుడ్ హీరోయిన్‌.

ప్రిన్స్ మ‌హేష్ తో త‌న‌కు వ‌ర్క్ చేయాల‌ని ఉంద‌ని ప్ర‌క‌టించింది. అంతేకాదు.. మ‌హేష్ యాక్టింగ్‌, త‌న లుక్స్ చాలా చాలా ఇష్ట‌మ‌ని చెప్పుకొచ్చింది ప‌రిణీతి. అదే సంద‌ర్భంలో మ‌రో మాట కూడా అనేసిందీ భామ‌. సౌత్ లో మ‌రే ఇత‌ర సినిమాతోనూ చేయ‌న‌ని, కేవ‌లం మ‌హేష్ బాబుతోనే సినిమా చేస్తాన‌ని చెప్ప‌డం విశేషం.

ప‌రిణీతి చోప్రా ఈ మాట‌లు చెప్పి వారం దాటింది. కానీ.. అవి ఇప్ప‌టికీ సోష‌ల్ మీడియాలో తెగ వైర‌ల్ అవుతున్నాయి. దీన్నిబ‌ట్టే అర్థ‌మ‌వుతోంది.. మ‌హేష్ స్టామినా బాలీవుడ్లో కూడా ఏ రేంజ్ లో ఉందోన‌ని! త్వ‌ర‌లో రాజ‌మౌళితో మ‌హేష్ సినిమా చేయ‌బోతున్న విష‌యం తెలిసిందే. ఆ సినిమా ఎలాగో పాన్ ఇండియా రేంజ్ లో తెర‌కెక్క‌డం ఖాయం. ఆ సినిమా త‌ర్వాత ఇండియ‌న్ సినిమాలో మ‌హేష్ రేంజ్ ఏ స్థాయికి వెళ్తుందంటే.. ఊహించుకున్నోళ్ల‌కు ఊహించుకున్నంత‌!