లుక్కు తెచ్చిన లక్కు ఇంతింత కాదయా!!

ఒకప్పుడు జగపతి బాబు అంటే ఫ్యామిలీ హీరో. జగపతి సినిమాలంటే.. లేడీస్ గంటల పాటు క్యూల్లో నుంచుని మరీ టికెట్లు కొనుక్కుని మరీ చూసేవారు. ఆ తర్వాత జేబీ సినిమాల్లో క్వాలిటీ తగ్గింది.. అందుకు తగ్గట్లుగానే చూసే ఆడియన్స్ కౌంట్ తగ్గింది. కొన్నేళ్లు గడిచేసరికి అసలు సినిమా ఎప్పుడొచ్చిందో ఎప్పుడెళ్లిపోయిందో కూడా తెలీని పరిస్థితి.

'ఓ సినిమాలో జూబ్లీ హిల్స్ రోడ్డుపై నుంచుని బొమ్మలు అమ్మతుంటాను.. ఇలా ఫ్లాపులు కంటిన్యూ అయితే.. ఫ్యూచర్ లో నా పరిస్థితి ఇదేనా అనుకున్నాను' అని జగపతి బాబు స్వయంగా ఓ సందర్భంలో చెప్పాడు. కానీ నందమూరి హీరోలు జగపతి స్థాయి మార్చేశారు. లెజెండ్ లో బాలకృష్ణకు విలన్ గా అరంగేట్రం చేసి క్రూరత్వాన్ని.. నాన్నకు ప్రేమతో చిత్రంలో స్టైలిష్ విలన్ గాను మెప్పించేయడంతో.. జేబీపై ఇప్పుడు యూత్ లో కూడా విపరీతమైన క్రేజ్ పెరిగిపోయింది.

అందుకే వారాహి లాంటి సంస్థ జగపతి బాబును లీడ్ రోల్ లో పెట్టి ఓ సినిమా చేసేస్తోంది. షూటింగ్ ప్రారంభం రోజునే రిలీజ్ చేసిన టీజర్ కు.. రెండు రోజుల్లోనే 12 లక్షల వ్యూస్ వచ్చాయంటే.. ఈ పటేల్ సార్ కు రెస్పాన్స్ అర్ధమవుతుంది. మొన్ననే షూటింగ్ మొదలైన జగపతి బాబు మూవీకి.. అప్పుడే ట్రేడ్ ఎంక్వైరీలు కూడా స్టార్ట్ అయ్యాయంటేనే.. జగపతికి విలన్ లుక్కు తీసుకొచ్చిన లక్ ఎంతగా మారిందో.. ఈయన రేంజ్ ఎలా ఛేంజ్ అయిందో చెప్పచ్చు.


Like Us on Facebook : https://www.facebook.com/Tupakidotcom/