పవన్-దాసరి.. ఆగిపోయిందంటున్నారే

దాసరితో పవన్ సినిమా.. అప్పట్లో ఈ మాట పెద్ద సెన్సేషన్. స్టోరీ విషయంలోను.. ఫలానా డైరెక్టర్ అంటూ రకరకాల కాంబినేషన్స్ కూడా వినిపించాయి. అవేమీ సెట్ కాలేదు కానీ.. ఆ తర్వాత పవన్ కొత్త సినిమాలు కూడా మొదలుపెట్టేశాడు. దాసరి ప్రాజెక్టు తర్వాత అనుకున్నవి కూడా పట్టాలెక్కేశాయ్ కానీ.. దానికి మాత్రం ముహూర్తం కుదర్లేదు.

ఇప్పుడు తాజా పరిస్థితి ఏంటంటే.. అసలు దాసరి-పవన్ కాంబినేషన్ లో ప్రాజెక్ట్ పూర్తిగా అటకెక్కేసిందని అంటున్నారు. రీసెంట్ గా తనతో సినిమా సంగతేంటని దాసరి కబురు పంపడం.. రద్దు చేసుకున్నట్లే అంటూ పవన్ వర్గం నుంచి సమాచారం పంపడం కూడా జరిగిపోయిందట. ఇందుకు కారణం ప్రస్తుతం పవన్ కి ఉన్న కమిట్మెంట్స్ అని తెలుస్తోంది. హారిక-హాసిని బ్యానర్ తో పాటు.. ఏఎం రత్నం మూవీకి కూడా పవన్ కమిట్ అయి ఉన్నాడు. ఇవి రెండూ పూర్తయ్యే నాటికే 2017 పూర్తయిపోవచ్చు. ఆ తర్వాత నిర్మాత దానయ్య దగ్గర తీసుకున్న అడ్వాన్స్ కు  సంబంధించిన సినిమా చేయాలి.

అంటే 2018 మధ్య వరకూ పవన్ బిజిబిజీ. అది కూడా జెట్ స్పీడ్ లో సినిమాలు చేస్తేనే. 2018 ద్వితీయార్ధం వచ్చేస్తే.. అక్కడి నుంచి ఎలక్షన్స్ కు ఏడాది సమయం కూడా ఉండదు. అలాంటి సమయంలో దాసరితో సినిమా చేస్తే.. కుల ముద్ర ఒకటి వస్తుంది. అందుకే అన్ని ఈక్వేషన్స్ లెక్కేసుకుని దాసరితో సినిమా వదిలేయాలని ఫిక్స్ అయ్యాడట పవర్ స్టార్.


Like Us on Facebook : https://www.facebook.com/Tupakidotcom/