అన్నయ్యే బాగా వీణ వాయించాడట..

సర్దార్ కో సలాం అనడానికి యావత్ మెగా అభిమానగణం ఈరోజు సిద్ధమయ్యింది. గత వారంరోజులుగా సాగుతున్న సర్దార్ మానియాకి ఈరోజు ముఖ్యమైన రోజు. ఎంతో ప్రతిష్టాత్మకంగా ఈ సినిమా ఆడియోని ఈరోజు నోవోటెల్ లో విడుదల చేయనున్నారు.

ఈ సందర్భంగా నిన్న పవన్ ప్రెస్ మీట్ పెట్టిన విషయం తెలిసినదే. పాస్ లు లేకుండా ఎవరూ ఫంక్షన్ కి రావద్దని సవినయంగా తెలుపడమే ఆ మీట్ ముఖ్యలక్ష్యమైనా కాసేపు సినిమా ముచ్చట్లు కూడా ముచ్చటించడం విశేషం.

ఇందులో భాగంగా ఎన్నో వార్తలు వినిపిస్తున్న చిరంజీవి వీణ స్టెప్ ని రీ లైవ్ చేసిన విషయంపై స్పందిస్తూ ఏదో ట్రై చేసామని, అన్నయ్య వేసిన స్టెప్పే బాగుంటుందని నవ్వులు కురిపించాడు మన పవర్ స్టార్..