మిస్టరీ గాళ్ పబ్లిసిటీ అవసరమా పూనం

ఐపీఎల్10 ప్రారంభోత్సవంలో.. బాలీవుడ్ బ్యూటీ అమీ జాక్సన్ డ్యాన్స్ పర్ఫామెన్స్ అదరగొట్టేసింది. కాదుకాదు.. బెదరగొట్టేసింది. ఓ ఫంక్షన్ లో ఏ హీరోయిన్ డ్యాన్స్ పైనా ఇంతటి విమర్శలు రాలేదు. ట్రాలింగ్ జరగలేదు. అదే సమయంలో.. అంటే అమీ డ్యాన్స్ చేస్తున్న సమయంలోనే కొన్ని సెకన్ల పాటు కెమేరా ఓ భామపై ఫోకస్ అయింది.

అమీ డ్యాన్స్ ను చూసి ముసిముసి నవ్వులు నవ్వుతున్న ఈ చిన్నదాన్ని.. ఇప్పుడు మీడియా అంతా మిస్టరీ గాళ్ అని మోసేస్తోంది. ఎవరికీ తెలియని ఈమె.. మొత్తం దేశ జనాభాకి ఫేవరేట్ అయిపోయందన్నది వాటి సారాంశం. ఇంతకీ ఈమె ఎవరో మనోళ్లకు బాగానే తెలుసు. ఎస్వీ కృష్ణారెడ్డి తీసిన మాయాజాలం చిత్రంలో హీరోయిన్ గా నటించి.. ఆ తర్వాత సైడ్ కేరక్టర్లకు దిగిపోయిన పూనమ్ కౌర్. కరెక్ట్ గా చెప్పాలంటే.. చెల్లి పాత్రల్లో కూడా క్రేజ్ సంపాదించుకోలేక ఫెయిల్ అయిన పూనమ్ కౌర్.. సడెన్ గా ఈ మిస్టరీ గాళ్ ప్రచారంతో లైమ్ లైట్ లోకి వచ్చేసింది.

ఆ తర్వాత హాట్ ఫోటోషూట్స్ తో కూడా రకరకాలుగా ప్రయత్నించింది కానీ.. అక్కడ కూడా ఫెయిల్ అయింది పూనమ్. పదేళ్లుగా తెలుగు తమిళ సినిమాల్లో కనిపిస్తున్న పూనమ్ కౌర్.. సడెన్ గా మిస్టరీ గాళ్ అని ప్రచారం చేయించుకోవడం వెనక సీక్రెట్ ఏంటో!

Like Us on Facebook : https://www.facebook.com/Tupakidotcom/