'యువ‌ర‌త్న' నుంచి 'ప‌వర్ ఆఫ్ యూత్' సాంగ్ ప్రోమో..!

క‌న్న‌డ కంఠీరవ రాజ్ కుమార్ తనయుడు పవర్ స్టార్ పునీత్ రాజ్ కుమార్ న‌టిస్తోన్న తాజా చిత్రం ''యువ‌ర‌త్న''. ఇందులో పునీత్ కి జోడీగా స‌యేషా సెహెగ‌ల్ నటిస్తోంది. ప్ర‌కాశ్ రాజ్‌ - సోనూ గౌడ‌ - దిగంత్ మంచ‌లే - ధ‌నంజ‌య్ కీల‌క పాత్ర‌ల్లో న‌టిస్తున్నారు. ఈ యాక్షన్ ఎంటర్ టైనర్ కి సంతోష్ ఆనంద్ రామ్ ద‌ర్శ‌క‌త్వం వ‌హిస్తున్నారు. 'కేజీఎఫ్' చిత్రాన్ని నిర్మించిన విజ‌య్ కిర‌గందూర్.. హోంబలే ఫిల్మ్స్ బ్యానర్ పై ఈ చిత్రాన్ని నిర్మిస్తున్నారు. 'యువ‌ర‌త్న' చిత్రాన్ని తెలుగులో కూడా రిలీజ్ చేస్తున్నామని ఇటీవలే మేకర్స్ ప్రకటించారు. ఈ క్రమంలో తాజాగా ఈ చిత్రం నుంచి 'ప‌వర్ ఆఫ్ యూత్' సాంగ్ ప్రోమోను చిత్ర బృందం విడుద‌ల చేశారు.

'ఊపిరాగినా బ‌తికే కిటుకు నేర్పిచూడు నీ ఆలోచ‌న‌కు.. పవర్ ఆఫ్ యూత్' అంటూ సాగే పాట‌కు ఎస్ ఎస్ థ‌మ‌న్ సంగీతం సమకూర్చారు. ఈ వీడియో సాంగ్ లో పునీత్ రాజ్ కుమార్ వ‌యోలిన్ చేతిలో ప‌ట్టుకుని చేసిన స్టైలిష్ డ్యాన్స్ ఆక‌ట్టుకుంటోంది. దీనికి శిరీష్ మాస్టర్ డ్యాన్స్ కంపోజ్ చేశాడు. రామ‌జోగ‌య్య‌శాస్త్రి ఈ పాట‌కు లిరిక్స్ అందించగా.. న‌కాస్ అజీజ్ ఈ గీతాన్ని ఆలపించాడు. పూర్తి లిరిక‌ల్ వీడియో సాంగ్ ను డిసెంబ‌ర్ 2న మ‌ధ్యాహ్నం 2.12 గంట‌ల‌కు విడుదల చేయనున్నట్లు మేకర్స్ ప్రకటించారు.


Full View