చెర్రీ (X) ప్ర‌భా! కేజీఎఫ్ డైరెక్ట‌ర్ రావ‌ణుడు ఎవ‌రు?

శ్రీ‌రాముడే రావ‌ణుడైతే జ‌నం ఆద‌రిస్తారా?  సీత‌ను ఎత్తుకెళ్లిన‌ లంకేయుడైన రావ‌ణుడిపై దండ‌యాత్ర చేసే శ్రీ‌రాముని పాత్ర‌లో న‌టిస్తున్న ప్ర‌భాస్ త‌దుప‌రి చిత్రంలో రావ‌ణుడిగా న‌టిస్తాడంటూ ఒక పుకార్ టాలీవుడ్ లో షికార్ చేస్తోంది. అంతేకాదు.. నిజానికి ఈ పాత్ర‌లో రామ్ చ‌ర‌ణ్ న‌టించాల్సి ఉండ‌గా నిర్మాత దిల్ రాజు ఏరికోరి ప్ర‌భాస్ నే ఎంపిక చేసుకుంటున్నాడ‌ని కూడా గుస‌గుస‌లు వైర‌ల్ అయిపోతున్నాయి.

ఇటీవ‌లే నిర్మాత దిల్ రాజు కేజీఎఫ్ ద‌ర్శ‌కుడిని లాక్ చేశాడ‌ని క‌థ‌నాలొచ్చాయి. రావ‌ణం అనే టైటిల్ కూడా వెలుగులోకి వ‌చ్చింది. ఇది రావ‌ణాసురుడి క‌థ అని ఈ పాత్ర‌కు రామ్ చ‌ర‌ణ్ ని దిల్ రాజు ఎంపిక చేసుకున్నార‌ని కూడా గుస‌గుస‌లు వైర‌ల్ అయ్యాయి. కానీ దేనిపైనా పూర్తి క్లారిటీ లేదు. తాజా స‌మాచారం మేర‌కు దిల్ రాజు చెర్రీని కాద‌ని ప్రభాస్ కాల్షీట్ల కోసం ప్ర‌య‌త్నిస్తున్న‌ట్టు క‌థ‌నాలొస్తున్నాయి.

ఇది నిజ‌మా?  శ్రీ‌రాముడిగా న‌టించిన ప్ర‌భాస్ ని తెర‌పై రావ‌ణుడిగా చూడొచ్చా?  ఇది ర‌క‌ర‌కాల సందిగ్ధ‌త‌ల‌కు తావివ్వ‌దా? అన్న చ‌ర్చా నెటిజ‌నుల్లో వేడెక్కిస్తోంది. రెండు రైవ‌ల్ పాత్ర‌ల‌ను ఒకే న‌టుడు పోషిస్తే ప్ర‌జ‌ల‌కు క‌న్ఫ్యూజ‌న్ కాదా అన్న‌ది ఒక సందిగ్ధ‌త‌. అయితే ఇప్ప‌టివ‌ర‌కూ ఏదీ అధికారికం కాదు. కేజీఎఫ్ ప్ర‌శాంత్ నీల్ తో ప్ర‌భాస్ స‌లార్ త‌ర్వాత కూడా మ‌రో ప్రాజెక్ట్ చేస్తార‌ని క‌థ‌నాలొచ్చాయి. ఒక‌వేళ దిల్ రాజు-ప్ర‌శాంత్ నీల్- ప్ర‌భాస్ క‌ల‌యిక‌లో సినిమా కుదిరిందా? అన్న‌దానికి ఇంకా క్లారిటీ రావాల్సి ఉంది. రావ‌ణంలో ప్ర‌భాస్ న‌టిస్తాడా?  లేక రామ్ చ‌ర‌ణ్ న‌టిస్తాడా? అన్న‌దానికి అధికారికంగా వివ‌ర‌ణ రావాల్సి ఉంది. తాజా ఊహాగానాల‌పై దిల్ రాజు నేరుగా స్పందిస్తారేమో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.