మహేషే కాదు ప్రభాస్ కూడా సపోర్టే

ఈమధ్య కాలంలో హిట్ అయిన సినిమాలన్నిటికీ ఒక కామన్ పాయింట్ ఉంది.. అదే ప్రీ-రిలీజ్ బజ్.   ఆగష్టు 31 న రిలీజ్ కానున్న స్మాల్ బడ్జెట్ సినిమా 'పేపర్ బాయ్' కూడా ఇప్పుడు అదే లిస్టు లో ఉంది.  ఇంట్రెస్టింగ్ ప్రోమోస్ తో ఆడియన్స్ లో ఆసక్తి పెంచిన 'పేపర్ బాయ్' టీమ్ కు సెలబ్రిటీ సపోర్ట్ భారీగానే లభిస్తోంది.

ఇప్పటికే ఈ సినిమా ప్రోమోస్ బాగున్నాయని తనకు మంచి స్నేహితుడు అయిన డైరెక్టర్ శోభన్ తనయుడు సంతోష్ శోభన్ సినిమా హిట్ కావాలని సూపర్ స్టార్ మహేష్ బాబు పాపర్ బాయ్ టీం కి విషెస్ తెలిపిన విషయం తెలిసిందే.  తాజాగా మరో పెద్ద స్టార్ హీరో ప్రభాస్ సపోర్ట్ కూడా ఈ సినిమాకు లభించింది.  'పేపర్ బాయ్' టీమ్ ప్రభాస్ ను ఈమధ్య కలిసింది.  ఈ సందర్భంగా ప్రభాస్ మాట్లాడుతూ శోభన్ గారు తనకు ఫస్ట్ బిగ్గెస్ట్ హిట్ సినిమా 'వర్షం' ఇచ్చిన డైరెక్టర్ అని - అయన తనయుడు సంతోష్ శోభన్ కు 'పేపర్ బాయ్' టీమ్ కు అల్ ది   బెస్ట్ అని చెప్పాడు.  తను నటించిన 'బిల్లా' సినిమా సినిమాటోగ్రాఫర్ సౌందరరాజన్ ఈ సినిమాకు పనిచేశాడని - ఈ సినిమా ఫోటోగ్రఫీ సూపర్ గా ఉందని మెచ్చుకున్నాడు.

సంతోష్ శోభన్ - రియా సుమన్ హీరో హీరోయిన్లు గా నటించిన ఈ సినిమాకు జయ శంకర్ దర్శకుడు.  డైరెక్టర్ సంపత్ నంది ఈ సినిమాను నిర్మించాడు.  ఈ సినిమాలో కంటెంట్ ను చూసిన ఇంప్రెస్ అయిన అల్లు అరవింద్ ఈ సినిమా థియేట్రికల్ రైట్స్ ను హోల్ సేల్ గా తీసుకొని గీతా ఆర్ట్స్ బ్యానర్ పై రిలీజ్ చేస్తున్న విషయం తెలిసిందే.  ఈ సినిమాపై నెలకొన్న బజ్ చూస్తుంటే టాలీవుడ్ కు మరో హిట్ సినిమా రెడీ అవుతుంది అనిపిస్తోంది.