ప్రభాస్ 20 లైన్ లీకయ్యిందా?

ప్రస్తుతం రెబెల్ స్టార్ ప్రభాస్ ఫ్యాన్స్ దృష్టి సాహో మీదే ఉంది. విడుదల తేదీ ఆగస్ట్ 15 ఇంకా ఎనిమిది నెలల దూరంలో ఉన్నప్పటికీ అప్పుడే ఎదురు చూపులు మొదలుపెట్టేసారు. షేడ్స్ అఫ్ సాహో పేరుతో విడుదలైన మేకింగ్ వీడియో ఇప్పటికీ ఫుల్ వైరల్ అయ్యింది. దీంతో పాటు సమాంతరంగా ప్రభాస్ మరో సినిమా చేస్తున్న సంగతి తెలిసిందే. జిల్ ఫేమ్ రాధాకృష్ణ దర్శకత్వంలో రూపొందుతున్న సినిమా షూటింగ్  షెడ్యూల్స్ ప్రకారం జరుపుకుంటోంది. అయితే దీనికి సంబంధించిన లైన్ అంటూ ఒక వార్త ఇప్పుడు ప్రచారంలోకి వచ్చింది.

దాని ప్రకారం రాధాకృష్ణ మూవీలో ప్రభాస్ కార్ల వ్యాపారిగా నటించబోతున్నట్టు తెలిసింది. గెటప్ సెటప్ అంతా 1960 నేపథ్యంలో ఉంటాయని తెలిసింది. అంటే అధిక శాతం జనాభాకు టీవీ అంటే కూడా ఏంటో తెలియని ఓ పాత భారతదేశం వైపు రాధాకృష్ణ తీసుకెళ్తాడన్న మాట. ఇక్కడ మరో ట్విస్ట్ ఉంది. ప్రభాస్ ప్రేమలో పడే హీరోయిన్ పూజా హెగ్డే పేదింటి అమ్మాయిగా కనిపిస్తుందని టాక్. ఈ ఇద్దరి మధ్య లవ్ స్టోరీతో పాటు శక్తివంతమైన విలన్ ని హై లైట్ చేస్తూ సాగే మరో పవర్ ఫుల్ ట్రాక్ ఉంటుందని తెలిసింది.

ఇంతకు మించి ప్రస్తుతానికి అప్ డేట్ అందుబాటులో లేదు. ప్రభాస్ లవ్ స్టోరీలో చూసి చాలా కాలం అయ్యింది. మిస్టర్ పర్ఫెక్ట్ తర్వాత లవర్ గా చూడలేదు. ఆ లోటు దీంతో పూర్తిగా తీరుతుందని టాక్. సాహో లాంటి యాక్షన్ ఎంటర్ టైనర్ తర్వాత ప్రభాస్ ఇలాంటి జానర్ లో చేయడం మంచి నిర్ణయం. మరి ఏఈ కార్లమ్మే క్యారెక్టర్ లో ప్రభాస్ ఎలా కనిపిస్తాడో ప్రస్తుతానికి సస్పెన్స్