విలక్షణ నటుడు ప్రకాష్ రాజ్.. దర్శకుడిగానూ ప్రతిసారీ వైవిధ్యమైన సబ్జెక్టుల్నే ఎంచుకున్నాడు. జయాపజయాలతో సంబంధం లేకుండా కొంచెం భిన్నమైన కథల్ని చెప్పే ప్రయత్నం చేస్తున్నాడు. ఆయన దర్శకత్వంలో వస్తున్న కొత్త సినిమా ‘మనవూరి రామాయణం’ కూడా చాలా భిన్నంగానే కనిపిస్తోంది. ఈ చిత్రాన్ని అనౌన్స్ చేయడమే తెలుసు.. ఆ తర్వాత అప్ డేట్స్ ఏమీ ఇవ్వకుండా సైలెంటుగా సినిమాను పూర్తి చేసేశాడు ప్రకాష్ రాజ్. రీరికార్డింగ్ కూడా పూర్తయ్యాక కానీ ప్రమోషన్ మొదలుపెట్టలేదు. ఐతే విడుదల తేదీ ప్రకటించాక ప్రమోషన్ డోసు పెంచాడు. రెండు ఇంట్రెస్టింగ్ టీజర్లు రిలీజ్ చేసి ప్రేక్షకుల్లో ఆసక్తి రేకెత్తించాడు. ఇంకా పోస్టర్లు వగైరా కూడా పాజిటివ్ ఫీలింగ్ కలిగిస్తున్నాయి.
ఇక ఈ సినిమా ఆడియో వేడుకను కూడా వెరైటీగా ప్లాన్ చేశాడు ప్రకాష్ రాజ్. ఈ చిత్రానికి సంగీతాన్నందించింది మేస్ట్రో ఇళయరాజా. ఆయన ప్రస్తుతం అమెరికా పర్యటనలో ఉన్నారు. మ్యూజికల్ కన్సెర్ట్ చేస్తున్నారు. అందులో భాగంగానే.. ‘మనవూరి రామాయణం’ ఆడియో వేడుకను నిర్వహించబోతున్నారు. ప్రకాష్ రాజ్ కూడా అమెరికాకు చేరుకుని కన్సెర్ట్ మధ్యలో ఆడియో వేడుక చేసేలా ప్లాన్ చేస్తున్నారు. ఈ చిత్రాన్ని తెలుగులో రిలీజ్ చేయబోతున్న ‘అభిషేక్ పిక్చర్స్’ ఇటీవలే ‘ఎ’ పేరుతో మ్యూజిక్ కంపెనీ మొదలుపెట్టిన సంగతి తెలిసిందే. ఆ కంపెనీనే ‘మనవూరి రామాయణం’ ఆడియోను కూడా రిలీజ్ చేయబోతోంది. ఈ చిత్రం అక్టోబరు 7న ప్రేక్షకుల ముందుకు రానుంది.
ఇక ఈ సినిమా ఆడియో వేడుకను కూడా వెరైటీగా ప్లాన్ చేశాడు ప్రకాష్ రాజ్. ఈ చిత్రానికి సంగీతాన్నందించింది మేస్ట్రో ఇళయరాజా. ఆయన ప్రస్తుతం అమెరికా పర్యటనలో ఉన్నారు. మ్యూజికల్ కన్సెర్ట్ చేస్తున్నారు. అందులో భాగంగానే.. ‘మనవూరి రామాయణం’ ఆడియో వేడుకను నిర్వహించబోతున్నారు. ప్రకాష్ రాజ్ కూడా అమెరికాకు చేరుకుని కన్సెర్ట్ మధ్యలో ఆడియో వేడుక చేసేలా ప్లాన్ చేస్తున్నారు. ఈ చిత్రాన్ని తెలుగులో రిలీజ్ చేయబోతున్న ‘అభిషేక్ పిక్చర్స్’ ఇటీవలే ‘ఎ’ పేరుతో మ్యూజిక్ కంపెనీ మొదలుపెట్టిన సంగతి తెలిసిందే. ఆ కంపెనీనే ‘మనవూరి రామాయణం’ ఆడియోను కూడా రిలీజ్ చేయబోతోంది. ఈ చిత్రం అక్టోబరు 7న ప్రేక్షకుల ముందుకు రానుంది.