రకుల్ సరే.. ప్రణీతను వదిలేశారే??

ఆల్రెడీ హైదరాబాద్ గచ్చిబౌలితో F45 అనే జిమ్ ను ఓపెన్ చేసి బాగానే డబ్బులు సంపాదిస్తోంది రకుల్ ప్రీత్. తన ఫ్యామిలీకి ఏదన్నా చేయాలనే ఉద్దేశ్యంతో తన తమ్ముడిని చూసుకోమని తన సంపాదతనో ఈ జిమ్మును ఏర్పాటు చేయించింది. ఇప్పుడు దీని రెండో బ్రాంచ్ కోకాపేటలో తెరిచారు. బాగానే ఉంది కాని.. ఈ మాత్రానికే రకుల్ ను టాలీవు్డ్ లో బెస్ట్ బిజినెస్ ఉమెన్ ఉంటారా?

అంటే అనొచ్చు కాని.. నిజానికి రకుల్ ప్రీత్ జిమ్ ఇంకా లాభాల్లో నడవట్లేదు. కాబట్టి అప్పుడే ఆమెను విజయవంతమైన వ్యాపారవేత్త అనడం కరక్ట్ కాదు. ఇప్పటికే వ్యాపారంలోకి వచ్చినోళ్లు చాలామంది హీరోయిన్లు ఉన్నారు. వారిలో తమన్నా వైట్ అండ్ గోల్డ్ అంటూ జ్యూయలరీ విక్రయాలు మొదలెడితే.. బుజ్జిగాడు ఫేం సంజన యోగా సెంటర్ తెరిచింది. అయితే అందరికంటే ఎక్కువగా లాభాలను అర్జించే బిజినెస్ చేస్తోంది మాత్రం బాపు బొమ్మ ప్రణీత అనే  చెప్పాలి. అమ్మడు బెంగుళూరులో ఓపెన్ చేసిన 'బూట్ లెగ్గర్' అనే బార్ అండ్ రెస్టారెంట్ పూర్తి స్థాయి లాభాల్లో నడవటమే కాదు.. ఏకంగా బెస్ట్ అంటూ అవార్డులూ రివార్డులూ కూడా అర్జిస్తోంది.

పైగా మొదటి పెట్టిన పబ్ బాగా సక్సెస్ అవ్వడం కారణంగా.. ప్రణీత ఇప్పుడు బెంగుళూరులో మరో రెండు లొకేషన్లలో ఈ పబ్బులను ఓపెన్ చేసే యోచనలో ఉంది. ఆ లెక్కన చూస్తే.. మన హైదారబాదులో పెట్టనప్పటికీ.. బాగా విజయవంతంగా వ్యాపారంలోకి దూసుకెళ్ళిన హీరోయిన్ అంటే ప్రస్తుతానికి ప్రణీత అనే చెప్పాలి.