అంద‌రూ ఈర్ష్య ప‌డాల‌నా పీసీ?

2018-19 పీసీ సీజ‌న్ గా డిక్లేర్ చేయాలి. గ‌త ఏడాది అంతా ప్రియాంక చోప్రా అలియాస్ పీసీ పేరు మార్మోగిపోయింది. అమెరికా ప్రియుడు సింగ‌ర్ నిక్ జోనాస్ తో ఈ అమ్మ‌డి ప్రేమాయ‌ణం ప్ర‌ముఖంగా చ‌ర్చ‌కు వ‌చ్చింది. వ‌న్ ఫైన్ డే మేం తొంద‌ర్లోనే పెళ్లాడేసుకుంటున్నాం! అంటూ పీసీ ఇచ్చిన ట్విస్టుకి బాలీవుడ్ కే షాక్ త‌ప్ప‌లేదు. బూర్జువా పురుషాధిక్య ప్ర‌పంచానికి పీసీ ఇచ్చిన స్ట్రోక్ అంటూ మాట్లాడుకున్నారు. ముంబై ఫేజ్ 3 ప్ర‌పంచంలో ఇప్పుడు పీసీ హ‌వా మామూలుగా లేదు. అమెరికా కోడ‌లుగా ఎంతో గొప్ప గౌర‌వం అందుకుంటోంది. సినీ,రాజ‌కీయ ప్ర‌ముఖులు, పారిశ్రామికవేత్త‌ల్లోనూ పీసీ పాపులారిటీ అసాధార‌ణంగా పెరిగింది.

పెళ్లి త‌ర్వాతా పీసీ లెవ‌ల్ మ‌రో ఎడ్జ్ ని ట‌చ్ చేసింది. నిక్ జోనాస్ కుటుంబ స‌భ్యుల‌తో, అలాగే అత‌డి గాళ్ ఫ్రెండ్స్ తోనూ ఎంతో ఇదిగా కలిసిపోయింది పీసీ. అత్త మామ‌ల బంధుమిత్రుల‌తోనూ ఎంతో క‌లివిడిగా క‌లిసిపోయింది. అలాగే హాలీవుడ్ మీడియా స‌హా అంత‌ర్జాతీయ టీవీ మాధ్య‌మాల్లోనూ పీసీ లైవ్ కార్య‌క్ర‌మాల‌తో వేడెక్కించింది. మ‌రోవైపు వ్య‌క్తిగ‌త జీవితాన్ని సోష‌ల్ మీడియా ద్వారా అభిమానుల‌కు చేర‌వేస్తూ ఇండియాలోనూ మంట‌లు పుట్టిస్తోంది.

తాజాగా ప్రియాంక చోప్రా - నిక్ జోనాస్ మ‌ధ్య ల‌వ్ లైఫ్‌ కెమిస్ట్రీ ఏ రేంజులో వ‌ర్క‌వుట‌వుతోందో ఎలివేట్ చేస్తూ ఓ ఫోటోని పీసీ రివీల్ చేసింది. ఈ ఫోటో ప్ర‌స్తుతం అభిమానుల్లో జోరుగా వైర‌ల్ అవుతోంది. ఆస‌క్తిక‌రంగా పీసీ స‌వ‌తి (నిక్ ఎక్స్ గాళ్ ఫ్రెండ్) మిలీ సైర‌స్ గ‌త కొంత‌కాలంగా నిక్ తో సామాజిక మాధ్య‌మాల్లో వార్ న‌డిపిస్తోంది. పాప్ గాయ‌ని మిలీ సైర‌స్ పాత గాయాల్ని కొత్తగా రేపుతూ.. చేస్తున్న వ్యాఖ్య‌ల‌కు నిక్ ఘాటైన ప్ర‌తి వ్యాఖ్య‌లు చేస్తూ వేడెక్కిస్తున్నాడు. తాజాగా మిలీ ని ఏడిపించేందుకు పీసీ తో ఇలా ప‌బ్లిక్ లో రొమాన్స్ చేస్తున్న ఫోటోని పీసీ అభిమానుల‌కు షేర్ చేయ‌డం ఆస‌క్తిక‌రం. ఇంట్ర‌డ్యూసింగ్ ఎక్స్ ట్రా చోప్రా జోనాస్! అంటూ పీసీ ఆస‌క్తిక‌ర‌మైన వ్యాఖ్య‌ను పోస్ట్ చేసింది. ఇదంతా నిక్ ఎక్స్ గాళ్ ఫ్రెండ్ ని ఏడిపించే ప‌నేనా? అంటూ అభిమానుల‌కు సందేహాలు క‌లుగుతున్నాయ్.