బాల‌య్యతో బెల్లం శ్రీ‌దేవి స్టెప్పులేస్తుందా?

టాలీవుడ్ లో `ఎన్టీఆర్` బ‌యోపిక్ ను నంద‌మూరి బాల‌కృష్ణ‌ - ద‌ర్శ‌కుడు క్రిష్ లు ప్ర‌తిష్టాత్మ‌కంగా తెర‌కెక్కిస్తోన్న‌ సంగతి తెలిసిందే. ఈ చిత్రంలో న‌టీన‌టుల ఎంపిక కూడా ఆచితూచి జ‌రుగుతోంది. ద‌క్షిణాది నుంచి న‌టీన‌టుల‌ను - హీరోయిన్ల‌ను ఈ చిత్రంలో నటింప‌జేసి హైప్ తెచ్చేందుకు క్రిష్ ప్లాన్ చేస్తున్నారు. ఈ చిత్రంలో కీల‌క‌మైన ఎన్టీఆర్ స‌తీమ‌ణి పాత్ర‌లో విద్యా బాల‌న్ - శ్రీ‌దేవి పాత్ర‌లో ర‌కుల్ - నారా భువ‌నేశ్వ‌రి పాత్ర‌లో మంజిమా మోహ‌న్ - ల‌క్ష్మీ పార్వ‌తి పాత్ర‌లో ఆమ‌ని....ఎంపికైన సంగ‌తి తెలిసిందే. అయితే, తాజాగా ఎన్టీఆర్ కెరీర్ లో సూపర్ డూప‌ర్ హిట్ అయిన ఓ పాటలో న‌టించేందుకు టాలీవుడ్ హీరోయిన్ రాశి ఖ‌న్నాకు ఆఫ‌ర్ వ‌చ్చింద‌ని తెలుస్తోంది. కానీ, ఒకే ఒక్క చ‌ర‌ణంలో న‌టించేందుకు రాశిఖన్నా అంగీక‌రిస్తుందా లేదా అన్నది ఇపుడు హాట్ టాపిక్ అయింది.

ఎన్టీఆర్ సినిమాల్లో ఆకుచాటు పిందెతడిసే - ఆరేసుకోబోయి పారేసుకున్నాను పాట‌లు ఎంత హిట్ అయ్యాయో ప్ర‌త్యేకంగా చెప్ప‌న‌వ‌స‌రం లేదు. ఆకుచాటులో శ్రీ‌దేవి పాత్ర‌లో రకుల్ ఫిక్స‌యింది. అయితే, ఆరేసుకోబోయి లో...జయప్రద పాత్ర‌కు రాశిఖన్నాను సంప్ర‌దించార‌ట‌. కానీ, ఆ సినిమాలో ఆ పాట పూర్తిగా ఉండద‌ని, ఒక చరణం మాత్రమే ఉంటుందని టాక్. దీంతో, ఒక్క‌ చరణం కోసం రాశిఖన్నా ...గ్రీన్ సిగ్న‌ల్ ఇస్తుందా అన్న‌ది డౌట్. అయితే, ఎన్టీఆర్ వంటి ప్ర‌తిష్టాత్మక చిత్రంలో భాగం కావ‌డం కోసం...రాశి ఓకే చెబుతుంద‌ని కూడా పుకార్లు వినిపిస్తున్నాయి. అయితే, ఈ విష‌యంపై రాశి ఖ‌న్నా అఫీషియ‌ల్ గా స్పందించ‌లేదు. మ‌రోవైపు, జ‌యసుధ క్యారెక్టర్ కోసం షాలిని పాండేను సంప్ర‌దించార‌ట‌. ఒక్కో పాత్ర గురించి....లీకులిస్తూ మూవీకి బ‌జ్ క్రియేట్ చేయాల‌ని క్రిష్ ప్లాన్ అట‌. మ‌రి, అది ఎంత‌వ‌ర‌కు వ‌ర్క‌వుట్ అవుతుందో వేచి చూడాలి.