`రాధేశ్యామ్` చుట్టూ ఠ‌ఫ్ కాంపిటీష‌న్?

డార్లింగ్ ప్ర‌భాస్ న‌టించిన `రాధేశ్యామ్` జూలైలో రిలీజ్ కి సిద్ధ‌మ‌వుతున్న సంగ‌తి తెలిసిందే. ఈ సినిమా ఇప్ప‌టికే క‌రోనా మ‌హ‌మ్మారీ వ‌ల్ల ప‌లుమార్లు వాయిదా ప‌డింది. ఎట్ట‌కేల‌కు రిలీజ్ కి వ‌స్తుంది అనుకుంటే.. ఇప్ప‌టికీ ప్యాచ్ వ‌ర్క్ సాంగ్ షూట్ అంటూ ఇంకా పెండింగ్ ప‌నుల్లోనే ఉన్నారు. రాధాకృష్ణ శ‌ర‌వేగంగా చిత్రీక‌ర‌ణ ముగించి జూలై నాటికి ప్ర‌తిదీ సిద్ధం చేయాల‌ని భావిస్తున్నార‌ట‌.

ఇంత‌కుముందు ప్ర‌భాస్ కి న‌చ్చ‌ని కొన్ని ఎపిసోడ్ల పైనా రీవ‌ర్క్ చేశార‌ని కూడా గుస‌గుస‌లు వినిపించాయి. అలాగే సీజీ వ‌ర్క్ ప‌రంగానూ చేయాల్సిన‌ది ఉంది. అయితే క‌రోనా మ‌హ‌మ్మారీ రాధేశ్యామ్ కి ఇబ్బందిక‌రంగానే మారింది.

అన్నిప‌నులు ముగించి జూలై 30న సినిమాని రిలీజ్ చేయాల‌నుకున్నా అప్ప‌టికి ఏప్రిల్ -మే సీజ‌న్ లో రావాల్సిన‌వ‌న్నీ వాయిదాల రూపంలో పోటీకి రావ‌డం ఖాయంగా భావి ఆచార్య‌-నార‌ప్ప‌-అఖండ‌- ట‌క్ జ‌గ‌దీష్- ల‌వ్ స్టోరి ఇవ‌న్నీ క్యూలో ఉన్నాయి. మ‌రి వీట‌న్నిటి రిలీజ్ లు ఎప్పుడు అన్న‌ది స‌స్పెన్స్ గా మారింది. వీట‌న్నిటి వ‌ల్లా రాధేశ్యామ్ కి పోటీ త‌ప్ప‌దు. ఈ రెండు నెల‌లు ప్ర‌జ‌లు జాగ్ర‌త్త‌లు తీసుకుంటే మ‌హ‌మ్మారీ స్పీడ్ జూలై నాటికి త‌గ్గిపోతుంద‌ని ఇండ‌స్ట్రీ వ‌ర్గాలు ఆశిస్తున్నాయి. అప్ప‌టికి ప‌రిస్థితి ఎలా ఉండ‌నుంది? అన్న‌దే వేచి చూడాల్సి ఉంటుంది.