కుమారితో కుర్రాడికి ఇంకో హిట్టా?

ఉయ్యాల జంపాల‌ - సినిమా చూపిస్త మావ సినిమాల‌తో వ‌రుస‌గా బ్యాక్ టు బ్యాక్ హిట్స్ అందుకున్నాడు రాజ్‌ త‌రుణ్‌. ఈ రెండు సినిమాల‌తో ఈ కుర్రాడు ఎక్క‌డికో వెళ్లిపోయాడు. ప్ర‌స్తుతం ఈ యంగ్ హీరో డిమాండ్ పీక్స్‌ లో ఉంద‌ని స‌మాచారం. అస‌లే స‌కుమార్ రైటింగ్స్ బ్యాన‌ర్‌ లో సుకుమార్ రైటింగులో సుకుమార్ శిష్యుడు తెర‌కెక్క స్తున్న సినిమాలో న‌టిస్తున్నాడు. ర‌త్న‌వేలు సినిమాటోగ్ర‌ఫీ, దేవీశ్రీ మ్యూజిక్ అంటే ఈ కుర్రాడిని స్కైలోకి లేపేసేట్టే క‌నిపిస్తోంది వ్య‌వ‌హారం. కుమారి 21 ఎఫ్ అంటూ ఇంట్రెస్టింగ్ టైటిల్‌ తో ప‌డేశాడు. రాజ్ త‌రుణ్ వాల‌కం చూస్తుంటే మ‌రోసారి సినిమా చూపించేట్టే ఉన్నాడు. ఫ‌స్ట్‌ లుక్ అంద‌రికీ న‌చ్చింది. వ‌చ్చే నెల 30న సినిమా రిలీజ్ చేసేస్తున్నాం. ఈ త‌రం యూత్ ల‌వ్‌ స్టోరీ ఇద‌ని నిర్మాత‌లు ప్ర‌చారం చేస్తున్నారు.

 ఎవ్రీ డాగ్ హాజ్ ఏ డే.  ప్ర‌స్తుతం రాజ్‌ త‌రుణ్ టైమ్ న‌డుస్తోంది. వ‌రుస‌గా రెండు హిట్లు ప‌డేప్ప‌టికి రాజ్ త‌రుణ్ పారితోషికంలోనూ డిమాండ్ పెంచేశాడ‌ని ఓవైపు చెప్పుకుంటున్నారు. ఆరంభం పాతికో ప‌ర‌కో తీసుకున్న రాజ్‌ త‌రుణ్ ఇప్పుడు ఏకంగా 75ల‌క్ష‌ల వ‌ర‌కూ డిమాండ్ చేస్తున్నాడ‌ని రూమ‌ర్ లు వినిపిస్తున్నాయి. త‌ప్పేం ఉంది. దీపం ఉండ‌గానే ఇల్లు చ‌క్క‌దిద్దుకోవాలి. ఫ్లాపుల్లో ఉంటే ప‌రిశ్ర‌మ ప‌ట్టించుకోనే ప‌ట్టించుకోదు. హిట్లున్న‌ప్పుడే దండుకోవాలి. కుమారి ప్రేమ‌లో ఉన్న కుర్రాడా.. ఇదే టైమ్ .. హ‌ల్‌ చ‌ల్ చెయ్‌. ఆల్ ది బెస్ట్‌.