రాజా చెయ్యి వేస్తే.. అదిరింది ట్రైల‌ర్

 నారా రోహిత్ మ‌రో కంటెంట్ ఉన్న సినిమాతో ప్రేక్ష‌కుల ముందుకొచ్చేస్తున్నాడు. వారాహి చ‌ల‌న‌చిత్రం బేన‌ర్లో అత‌ను హీరోగా తెర‌కెక్కుతున్న ‘రాజా చెయ్యి వేస్తే’ థియేట్రిక‌ల్ ట్రైల‌ర్ ఈ రోజే ప్రేక్ష‌కుల ముందుకొచ్చేసింది. ట్రైల‌ర్ చూడ‌గానే ఒక‌టే ఇంప్రెష‌న్‌.. సింప్లీ సూప‌ర్బ్. ఇది ఇంటెన్సిటీ ఉన్న యాక్ష‌న్ డ్రామా అని ట్రైల‌ర్ చూస్తే అర్థ‌మ‌వుతోంది. నారా రోహిత్ తో పాటు విల‌న్ పాత్ర చేసిన నంద‌మూరి తార‌క‌ర‌త్న కూడా పెర్ఫామెన్స్ అద‌ర‌గొట్టేశాడంతే.

‘‘నీ బ్రెయిన్ ను గ‌న్నులా వాడు.. అప్పుడే నీ ఆలోచ‌న‌లు బుల్లెట్ల‌లా దూసుకెళ్తాయ్ అని న‌మ్మే ఒక హీరో.. త‌ప్పు చేయ‌మ‌ని మా నాన్నా చెప్ప‌లేదు.. త‌ప్పు చేయొద్ద‌ని మా అమ్మా చెప్ప‌లేదు. నాకు తోచింది నేను చేసుకెళ్తుంటే జ‌నం దాన్నే త‌ప్పంటున్నారు అనుకునే ఓ విల‌న్‌’’.. ఈ డైలాగుల్ని బ‌ట్టే హీరో-విల‌న్ పాత్ర‌లేంటో హింట్ ఇచ్చేశారు.. ఇంకా ‘‘నా న‌మ్మ‌కం ప్ర‌కారం వాడు చంప‌డానికి వ‌స్తాడు.. కానీ వాడి జాత‌కం ప్ర‌కారం చావ‌డానికి వ‌స్తాడు’’... ‘‘‘‘ఇద్ద‌రు ఆడే ఆట‌లో ఎవ‌డో ఒక‌డే గెలుస్తాడు. గెలిచాడు కాబ‌ట్టి హీరో అనుకోవ‌ద్దు.. గెలిచాకే హీరో అవుతాడు’’.. ఇలాంటి ప‌వ‌ర్ ఫుల్ డైలాగుల‌తో.. అదిరిపోయే విజువ‌ల్స్ తో ట్రైల‌ర్ చాలా ఇంట్రెస్టింగ్ గా క‌ట్ చేశారు. ప్ర‌దీప్ చిలుకూరి ద‌ర్శ‌కుడిగా ప‌రిచ‌య‌మ‌వుతున్న ఈ సినిమాలో ఇషా త‌ల్వార్ క‌థానాయిక‌గా న‌టిస్తోంది. ‘రాజా చెయ్యి వేస్తే’ ఏప్రిల్ నెలాఖ‌రులో ప్రేక్ష‌కుల ముందుకు రాబోతోంది.
Full View