డిసెంబరు 12 అంటే సూపర్ స్టార్ రజినీ కాంత్ అభిమానులకు పండగ రోజే. అది ఆయన పుట్టిన రోజు. ఐతే తన పుట్టిన రోజుకు రజినీ తనకు తానుగా స్పెషల్ ప్రోగ్రామ్స్ ఏమీ పెట్టుకోరు. చాలా సింపుల్ గా ఉంటారు. కానీ ఆయన నటించే సినిమాలకు సంబంధించిన యూనిట్ సభ్యులు మాత్రం అభిమానుల్ని సంతోష పెట్టడడానికి వాళ్ల ప్లానింగ్ లో వాళ్లుంటారు. గత ఏడాది ‘లింగా’ సినిమాను రజినీ పుట్టిన రోజునే విడుదల చేశారు. సినిమా ఎలాంటి ఫలితాన్నిచ్చినా.. ఆ రోజు అభిమానుల సందడి మాత్రం మామూలుగా లేదు. ఇక ఈ ఏడాది రజినీ ఫ్యాన్స్ ని సంతోషంలో నింపడానికి ఒకటికి రెండు మంచి విషయాలు జరగబోతున్నాయి.
రజినీ ప్రస్తుతం ‘కబాలి’ అనే సినిమాలో నటిస్తున్న సంగతి తెలిసిందే. దీనికి సంబంధించిన లుక్స్ ఇప్పటికే సూపర్ పాపులరై సినిమా మీద మాంచి హైప్ తీసుకొచ్చాయి. ఇప్పుడిక ‘కబాలి’ ఫస్ట్ లుక్ టీజర్ కూడా వచ్చేయబోతోంది. రజినీ పుట్టిన రోజు నాడే దీన్ని విడుదల చేస్తారు. దాంతో పాటు శంకర్ - రజినీల క్రేజీ కాంబినేషన్ లో రాబోయే ‘రోబో-2’ ప్రారంభోత్సవం కూడా అదే రోజున జరగబోతోంది. భారతీయ చలనచిత్ర పరిశ్రమలోనే అత్యధిక బడ్జెట్ తో ఈ సినిమాను తెరకెక్కించడానికి శంకర్ రంగం సిద్ధం చేసిన సంగతి తెలిసిందే. ప్రస్తుతం శంకర్, నిర్మాతలు ఆర్నాల్డ్ ష్వార్జ్ నెగ్గర్ ను కలిసి సినిమాలో ఆయన నటించే విషయంలో కాంట్రాక్ట్ ఫార్మాలిటీస్ పూర్తి చేసే పనిలో ఉన్నారు. బహుశా రోబో-2 ప్రారంభోత్సవంలోనూ ఆర్నాల్డ్ పాల్గొనే అవకాశముంది. మొత్తానికి డిసెంబరు 12న రజినీ అభిమానులకు డబుల్ ధమాకానే అన్నమాట.
రజినీ ప్రస్తుతం ‘కబాలి’ అనే సినిమాలో నటిస్తున్న సంగతి తెలిసిందే. దీనికి సంబంధించిన లుక్స్ ఇప్పటికే సూపర్ పాపులరై సినిమా మీద మాంచి హైప్ తీసుకొచ్చాయి. ఇప్పుడిక ‘కబాలి’ ఫస్ట్ లుక్ టీజర్ కూడా వచ్చేయబోతోంది. రజినీ పుట్టిన రోజు నాడే దీన్ని విడుదల చేస్తారు. దాంతో పాటు శంకర్ - రజినీల క్రేజీ కాంబినేషన్ లో రాబోయే ‘రోబో-2’ ప్రారంభోత్సవం కూడా అదే రోజున జరగబోతోంది. భారతీయ చలనచిత్ర పరిశ్రమలోనే అత్యధిక బడ్జెట్ తో ఈ సినిమాను తెరకెక్కించడానికి శంకర్ రంగం సిద్ధం చేసిన సంగతి తెలిసిందే. ప్రస్తుతం శంకర్, నిర్మాతలు ఆర్నాల్డ్ ష్వార్జ్ నెగ్గర్ ను కలిసి సినిమాలో ఆయన నటించే విషయంలో కాంట్రాక్ట్ ఫార్మాలిటీస్ పూర్తి చేసే పనిలో ఉన్నారు. బహుశా రోబో-2 ప్రారంభోత్సవంలోనూ ఆర్నాల్డ్ పాల్గొనే అవకాశముంది. మొత్తానికి డిసెంబరు 12న రజినీ అభిమానులకు డబుల్ ధమాకానే అన్నమాట.