'క్రిష్-4' పై క్లారిటీ ఇచ్చిన దర్శకుడు..

హృతిక్ రోషన్ పేరు చెప్పగానే క్రిష్ ప్రాంచైజీ గుర్తుకు వస్తుంది. ఆ చిత్రంలో హృతిక్ ని తప్ప మరో హీరోని ఊహించుకోలేం. ఆ ఫిక్షనల్ క్యారెక్టర్ లో హృతిక్ అంత బాగా ఒదిగిపోయాడు. సూపర్ హీరోలంటే హాలీవుడ్ వాళ్ళని తప్ప మరొకరిని ఊహించుకోలేని రోజుల్లో మనకు కూడా హృతిక్ రూపంలో ఓ సూపర్ హీరో దొరికాడు. ప్రస్తుతం దేశం మొత్తం క్రిష్ 4 చిత్రం కోసం ఎదురుచూస్తోంది. కొన్ని నెలల క్రితమే క్రిష్ 4కి సంబంధించిన వర్క్ ప్రారంభమైందట. 2006లో వచ్చిన క్రిష్ మొదటి భాగంలో ప్రియాంకా చోప్రా హీరోయిన్ గా నటించింది. తర్వాత క్రిష్ 3 మూవీ 2913లో విడుదల కాగా అందులో ప్రియాంక చోప్రా హీరోయిన్, కంగనా రనౌత్ విలన్.

ఈ సక్సెస్ ఫుల్ సిరీస్ నుండి కొత్తగా క్రిష్ 4 రానుందని దర్శక నిర్మాత రాకేష్ రోషన్ తెలిపారు. ఈ విషయాన్నీ సోషల్ మీడియా ద్వారా ప్రకటించారు. రాకేష్  రోషన్ మాట్లాడుతూ.. ప్రస్తుతం  క్రిష్ 4 సినిమాకి సంబందించిన సన్నాహాలు జరుగుతున్నాయట. ఈ చిత్రం ఇప్పుడు స్క్రిప్ట్ దశలో ఉందట. కరోనా వైరస్ లాక్ డౌన్ ముగిసిన వెంటనే మిగతా కార్యక్రమాలు ప్రారంభిస్తారట. ఇక ఈ చిత్రంలో హీరోయిన్స్ ఎవరనేది ఇంకా నిర్ణయించలేదు. అలాగే గత ఏడాది హృతిక్ రోషన్ చేసిన సూపర్ 30, వార్ చిత్రాల పట్ల ఆయన సంతృప్తి వ్యక్తం చేశారు. వార్ 2019 బాలీవుడ్ హైయెస్ట్ గ్రాసర్ గా నిలిచిన విషయం తెలిసిందే. ఏదేమైనా క్రిష్ 4 వస్తుంది అనేసరికి ఇండియన్ సినీ అభిమానులలో కొత్త ఉత్సాహం మొదలైనదనే విషయం అర్ధమవుతుంది.