రకుల్ హ్యాట్రిక్ కొట్టిసిందిగా!!

టాలీవుడ్ టాప్ బ్యూటీ రకుల్ ప్రీత్ సింగ్ జోరు ఆపడం ఎవరితరం కాదన్నట్లుగా ఉంది పరిస్థితి. ఈ భామ కనిపించిన సినిమాలన్నీ వరుసగా హిట్స్ కొట్టేస్తున్నాయి. గతేడాది వరకూ కాస్త అటూ ఇటూగా ఉన్నా.. వరుసగా స్టార్ హీరోల సినిమాలను పట్టేసి.. చకచకా ఫినిష్ చేసేసిన రకుల్.. ఇప్పుడు వరుస సక్సెస్ లు ఎంజాయ్ చేయడమే కాదు.. తన అకౌంట్ హ్యాట్రిక్ హిట్స్ ను కూడా వేసేసుకుంది.

పొంగల్ కి నాన్నకు ప్రేమతో అంటూ ఎన్టీఆర్ సందడి చేసిన ఈ భామ.. ఈ ఏడాదిని సూపర్ హిట్ తో మొదలుపెట్టింది. అటు ఎన్టీఆర్ కే కాదు.. ఇటు రకుల్ కి కూడా ఇదే తొలి యాభై కోట్లను మించి వసూళ్లను సాధించిన సినిమా. ఆ తర్వాత అల్లు అర్జున్ తో రకుల్ ప్రీత్ జోడీ కట్టిన సరైనోడు సమ్మర్ లో వచ్చి.. బ్లాక్ బస్టర్ హిట్ సాధించేశాడు. ఇది ఏకంగా 70 కోట్లకు మించిన వసూళ్లు సాధించి ఇండస్ట్రీ హిట్స్ చేరిపోయిన సినిమా. రెండు సక్సెస్ లతో జోరు మీదున్న రకుల్ కు ఇప్పుడు రామ్ చరణ్ మరింత జోష్ ని ఇచ్చాడు.

మెగా పవర్ స్టార్ మూవీ ధృవకు ఇప్పటికే బ్లాక్ బస్టర్ టాక్ వచ్చింది. నోట్ల రద్దు ఎఫెక్ట్ కలెక్షన్స్ విషయంలో స్పష్టంగానే కనిపిస్తోన్నా.. టాక్ బాగుండడం.. వసూళ్లు పుంజుకోవడం వంటివి.. ఈ మూవీ రేంజ్ ని డిసైడ్ చేయనున్నాయి. లాంగ్ రన్ కు ఫుల్ స్కోప్ ఉన్న థ్రిల్లర్ పిక్చర్ కావడంతో.. రకుల్ ఖాతాలో ఇప్పటికే హ్యాట్రిక్ పడిపోయింది. ధృవ కూడా తనకు 50 కోట్లను మించి వసూళ్లను సాధించే సినిమా అవుతుందని రకుల్ ఆశిస్తోంది.