స్పైడర్ లో మహేష్ కూతురుందా??

సినిమాల కంటే తన కుటుంబానికి ఎక్కువ ప్రాధాన్యత ఇస్తాడు మహేష్ బాబు. ఈ విషయం అందరికీ తెలిసేలాగే ప్రవర్తిస్తాడు కూడా. కుటుంబం పట్ల మహేష్ తీసుకునే కేర్.. ఆప్యాయత.. వాళ్లతో గడిపే అత్యంత విలువైన క్షణాలు.. చాలా మంది యాక్టర్స్ మిస్ అయిపోతుంటారు కూడా. అయితే.. సినిమా షూటింగ్స్ కూడా తన పిల్లలను అప్పుడప్పుడూ తెస్తూ ఉంటాడు మహేష్.

గతంలో బ్రహ్మోత్సవం షూటింగ్ లో సితార-సమంత చేసిన పలు మార్లు ఫోటోల రూపంలో దర్శనం ఇచ్చింది. ఇప్పుడు స్పైడర్ మూవీ షూటింగ్ కు సితార వచ్చింది. ఇందుకు సంబంధించిన ఫోటోలు నెట్ లో దర్శనం ఇస్తున్నాయి. వీటిలో కొన్నిటిని స్వయంగా హీరోయిన్ రకుల్ ప్రీత్ సింగ్ పోస్ట్ చేసింది. రకుల్-సితార కలిసి చేస్తున్న సందడి కనిపిస్తుంది. అయితే.. ఈ ఫోటోలకు రకుల్ పెట్టిన ట్వీట్ చూస్తే ఓ అనుమానం రావడమే కాదు.. బలపడిపోతుంది  కూడా.

'మేకింగ్ నుంచి దేవత ఫోటోలు' అని రాసిన రకుల్.. సితార పేరును హ్యాష్ ట్యాగ్ చేసింది. అలాగే ఎక్స్ ప్రెసివ్ ఛైల్డ్ అంటూ పొగిడేసింది కూడా. ఫోటోలు తీసిన క్రెడిట్ సినిమాటోగ్రాఫర్ సంతోష్ శివన్ కు ఇచ్చేసింది. మేకింగ్.. ఎక్స్ ప్రెషన్.. కెమేరా కర్టెసీ.. మూడు పాయింట్స్ ను కలిపి ఆలోచిస్తే.. స్పైడర్ లో సితార ఏదన్నా సింగిల్ షాటులో తళ్ళుక్కుమంటుందా అనే సందేహం వస్తోంది కదూ? లెటజ్ సీ.