'ముగ్గురు మొన‌గాళ్లు' తీస్తారా ఏం?

మెగాస్టార్ 63వ పుట్టిన‌రోజు వేడుక‌లు ఒక‌రోజు ముందే `సైరా` టీజ‌ర్ రూపంలో ఘ‌నంగా మొద‌లైపోయాయి. ఈరోజంతా సైరా టీజ‌ర్ గురించే ఫ్యాన్స్‌లో ఆస‌క్తిక‌ర చ‌ర్చ సాగింది. ఉయ్యాల‌వాడ లుక్‌ లో మెగాస్టార్ అదిరిపోయారంటూ ఫ్యాన్స్ సంబ‌రాలు చేసుకుంటున్నారు. సామాజిక మాధ్య‌మాల్లో సైరా టీజ‌ర్ జోరుగా వైర‌ల్ అయ్యింది. 22 ఆగ‌స్టు బ‌ర్త్ డే కాబ‌ట్టి అస‌లు ఈ రేతిరంతా మెగాభిమానుల‌కు కంటిపై కునుక‌న్న‌దే ఉండ‌దు. ప్ర‌స్తుతం శిల్ప‌క‌ళా వేదిక‌లో జ‌రుగుతున్న మెగాస్టార్‌ బ‌ర్త్ డే ఈవెంట్‌లో అభిమానుల సంద‌డి ఓ రేంజులో ఉంది.

ఈ ఈవెంట్‌ లో ఊహించ‌ని రీతిలో ముగ్గురు మొన‌గాళ్లు ప్ర‌త్య‌క్ష‌మ‌య్యారు. దాంతో అక్కడ మెగా సంద‌డి ఓ రేంజులో హోరెత్తిపోతోంది. వేదిక ముందు త్రిమూర్తుల్లా.. ముగ్గురు మొన‌గాళ్ల‌లాగా.. చ‌ర‌ణ్‌ - బ‌న్ని - వ‌రుణ్‌ తేజ్ ప‌క్క‌ప‌క్క‌నే కూచుని క‌నిపించారు. ఒకే వ‌రుస‌లో .. కండ‌లు తిరిగిన‌.. గుండెలు తీసిన బంటుల్లా ఉన్నారు ఒక్కొక్క‌రు. వ‌రుణ్‌ తేజ్ సైతం చ‌ర‌ణ్ అన్న‌తో పోటీప‌డుతూ కండ‌లు పెంచుతున్నాడని బిగించిన ఆ బాహువులు చెబుతున్నాయి. ఆ ప‌క్క‌నే ఉన్న బ‌న్ని బావ‌తోనూ పోటీప‌డేట్టే క‌నిపిస్తున్నాడు. ఆ క్ష‌ణం అక్క‌డ ముగ్గురు మొన‌గాళ్లులాగా క‌నిపించారు. త‌మను స్టార్ల‌ను చేసి - ఇంత‌గా తీర్చిదిద్దిన‌ మెగాస్టార్ చిరంజీవి కోసం అంద‌రు అభిమానుల‌తో క‌లిసి పోయి ఇలా సెల‌బ్రేట్ చేసుకోవ‌డం మ‌రో హైలైట్‌. మెగాస్టార్ బ‌ర్త్ డే లైవ్‌ లో ఆ ముగ్గురూ స్పెష‌ల్. ఇటీవలి కాలంలో ఫ్యామిలీ మ‌ల్టీస్టార‌ర్ల ట్రెండ్ న‌డుస్తోంది కాబ‌ట్టి ఆ ముగ్గురిని క‌లిపే క‌థ దొర‌కితే కొణిదెల ప్రొడ‌క్ష‌న్స్‌లో `ముగ్గురు మొన‌గాళ్లు` తీస్తారేమో?