చెర్రీ, బ‌న్నీ డ్యాన్సులు హైలెట్‌!

మెగా వేడుక‌లో రామ్‌ చ‌ర‌ణ్‌, అల్లు అర్జున్ క‌లిసి డ్యాన్సులు వేశారా?  వాళ్ల‌కి సాయిధ‌ర‌మ్ తేజ్‌, వ‌రుణ్‌ తేజ్‌, అల్లు శిరీష్ కూడా తోడ‌య్యారా? అవున‌నే అంటున్నాయి ఫిల్మ్ న‌గ‌ర్ వ‌ర్గాలు. నిన్న జ‌రిగిన మెగా పార్టీలో ఫ్యామిలీ అంతా క‌లిసి స్టేజ్‌ పై చేసిన సంద‌డి హైలెట్‌ గా నిలిచిందని స‌మాచారం.

మెగా పార్టీ ఆరంభానికి ముందే రామ్‌ చ‌ర‌ణ్‌, అల్లు అర్జున్ హోట‌ల్‌ కి వ‌చ్చి ఏర్పాట్లు చూసుకొని ఇంటికి వెళ్లిపోయార‌ట‌. ఆ త‌ర్వాత ఫ్యామిలీ తో క‌లిసి పార్టీకి హాజ‌ర‌య్యారు. పార్టీ అంతా రామ్‌ చ‌ర‌ణ్  ఆధ్వ‌ర్యంలోనే జ‌రిగింది. బాలీవుడ్ అతిథుల్ని పిల‌వ‌డం ద‌గ్గ‌ర్నుంచి లోక‌ల్ ఫ్రెండ్స్‌ ని ఆహ్వానించ‌డం వ‌ర‌కు అన్నీ చ‌ర‌ణే చూసుకొన్నాడు. స‌ల్మాన్‌ ఖాన్‌, అభిషేక్ బ‌చ్చ‌న్ త‌దిత‌ర బాలీవుడ్ ప్ర‌ముఖులు రామ్‌ చ‌ర‌ణ్ కోరిక మేర‌కే వేడుక‌కి హాజ‌ర‌య్యారు. రామ్‌ చ‌ర‌ణ్‌ కి, స‌ల్మాన్‌ ఖాన్‌ కీ మంచి స్నేహం ఉంది. ఒక‌రి ఇంట్లో జ‌రిగే ఫంక్ష‌న్ల‌కు మ‌రొక‌రు హాజ‌ర‌వుతుంటారు. అందుకే స‌ల్మాన్‌ ఖాన్‌ ని స్పెష‌ల్ ఫ్లైట్‌ లో హైద‌రాబాద్‌ కి ర‌ప్పించార‌ట రామ్‌ చ‌ర‌ణ్‌. స‌ల్మాన్ హోట‌ల్‌ కి చేరుకొంటాడ‌ని తెలియ‌గానే... చ‌ర‌ణ్ బ‌య‌టికి వ‌చ్చి స్వ‌యంగా లోప‌లికి తీసుకెళ్లాడు.

చిరంజీవి త‌న‌తో  క‌లిసి న‌టించిన క‌థానాయిక‌ల్ని,  త‌మిళం, క‌న్న‌డ భాష‌ల్లోని స్నేహితుల్ని పార్టీకి ఆహ్వానించాడ‌ట‌. అంద‌రూ హాజ‌ర‌య్యాక స్టేజీపై చిన్న‌పాటి డ్యాన్స్ ప్రోగ్రామ్ జ‌రిగిన‌ట్టు తెలిసింది. అందులో చ‌ర‌ణ్‌, బ‌న్నీ క‌లిసి వేసిన స్టెప్పులు హైలెట్‌ గా నిలిచాయ‌ని తెలిసింది. ఆ త‌ర్వాత ఫ్యామిలీలోని యంగ్  హీరోలంతా చిరంజీవిని భుజాల‌పైకి ఎత్తుకొని ఆయ‌న‌కి పుట్టిన‌రోజు శుభాకాంక్ష‌లు చెప్పార‌ట‌.